ସୋର: କଲେଜଛକରେ ଶିଶୁରୋଗ ବିଶେଷଜ୍ଞ ଡାକ୍ତର ବ୍ରଜ ସ୍ୱାଇଁଙ୍କୁ ଆକ୍ରମଣ ଘଟଣାରେ ଅନ୍ୟ ଦୁଇ ସୁପରି କିଲର ଗିରଫ
Soro, Balasore | Nov 26, 2025 ସୋର କଲେଜ ଛକ ନିକଟରେ ଶିଶୁ ରୋଗ ବିଶେଷଜ୍ଞ ଡାକ୍ତର ବ୍ରଜସୁନ୍ଦର ସ୍ୱାଇଁଙ୍କୁ ହାଣିବା ଘଟଣାରେ ପୁଲିସ ଅନ୍ୟ ଦୁଇ ଜଣ ସୁପରି କିଲରଙ୍କୁ ଗିରଫ କରି କୋର୍ଟ ଚାଲାଣ କରିଛି। ସୁଚନା ଅନୁସାରେ ଗତ ସେପ୍ଟେମ୍ବର ମାସ ୧୭ ତାରିଖ ସଂଧ୍ୟାରେ ଡାକ୍ତର ବ୍ରଜସୁନ୍ଦର ସ୍ୱାଇଁ ସୋର କଲେଜଛକରେ ଥିବା ନିଜ କ୍ଲିନିକରୁ ଘରକୁ ବାହାରୁଥିବା ବେଳେ ହଠାତ ଦୁଇଟି ବାଇକରେ ୬ ଜଣ ଦୁର୍ବୁର୍ତ୍ତ ଆସି ତାଙ୍କୁ ଏକ କଟୁରୀରେ ଆକ୍ରମଣ କରି ଫେରାର ହୋଇଯାଇଥିଲେ। ତାଙ୍କ ବାପା ସ୍ଥାନୀୟ ଲୋକଙ୍କ ସହାୟତାରେ ତାଙ୍କୁ ଉଦ୍ଧାର କରି ସୋରର ଏକ ଘରୋଇ କ୍ଲିନିକକୁ ନେଇଥିବା ବେଳେ ସେଠାରେ ତାଙ୍କର ଅବସ୍ଥା ଗୁରୁତର ଥିଲା।