ସୋର: କଲେଜଛକରୁ ଏକ ବେଆଇନ ବାଲି ବୋଝେଇ ହାଇୱାକୁ ଜବତ କଲେ ସୋର ତହସିଲଦାର
Soro, Balasore | Nov 22, 2025 ସୋର ଥାନା ୧୬ ନମ୍ବର ଜାତୀୟ ରାଜପଥ କଲେଜଚ୍ଛକ ନିକଟରେ ଚଢ଼ାଉ କରି ଏକ ବେଆଇନ ବାଲି ବୋଝେଇ ହାଇୱାକୁ ଜବତ କଲେ ସୋର ତହସିଲଦାର। ସୂଚନା ଅନୁସାରେ ସୋର ତହସିଲଦାର ଦୈତାରୀ ମଲ୍ଲିକ ଆଜି ଭୋର ସମୟରେ କଲେଜଛକ ନିକଟରେ ଅଚାନକ ଚଢ଼ାଉ କରି ଭଦ୍ରକରୁ ବାଲେଶ୍ୱର ଅଭିମୁଖେ ଆସୁଥିବା ବାଲି ବୋଝେଇ ହାଇୱା ଗୁଡିକର କାଗଜପତ୍ର ଯାଞ୍ଚ କରିଥିଲେ। ଏହି ସମୟରେ ଓଡି ୦୧ ଏଯେ ୮୭୦୬ ନମ୍ବର ବିଶିଷ୍ଟ ହାଇୱା ଟି ବେଆଇନ ଭାବେ ବାଲି ଚାଲାଣ କରୁଥିବା ଜାଣିପାରି ହାଇୱା ଟିକୁ ଜବତ କରି ସୋର ଥାନାରେ ଜିମା ଦେଇଥିଲେ। ଚଢ଼ାଉ ହେଉଥିବା ଜାଣି ପାରି ଅନେକ ଗାଡି ରାସ୍ତା ବଦଳାଇ ପଳାଇଯାଇଥିଲେ।