બોટાદ જિલ્લાના ગઢડામાં અકસ્માતની ઘટના બની હતી. બે દિવસ પહેલા ગઢડાના બોટાદ રોડ પર બાઈક અને કાર વચ્ચે સીએનજી પમ્પ નજીક અકસ્માત સર્જાયો હતો. આ અકસ્માતની ઘટનામાં એક યુવાનનું ઘટના સ્થળે મોત નીપજ્યું હતું. જ્યારે એક યુવાનને ગંભીર ઈજા પહોંચતા સારવાર માટે ભાવનગરની સર્ટી હોસ્પિટલ ખાતે ખસેડાયો હતો. જ્યાં સારવાર દરમિયાન યુવાનનું મૃત્યુ થતાં પોલીસે મૃતદેહને પીએમ અર્થે ખસેડી અકસ્માતની ઘટના અંગે નોંધ કરી આગળની કાર્યવાહી હાથ ધરી હતી.