ગોધરાના કનેલાવ તળાવમાં અસામાજિક તત્ત્વોએ મેડિકલ વેસ્ટ ફેંકી તળાવને દૂષિત કરવાનો ગંભીર પ્રયાસ કર્યો છે. ઉત્તર દિશામાં બે થેલા અને છ બોક્સ જેટલો મેડિકલ કચરો મળ્યો, જેમાં ખાલી એલોપથી દવાઓની બોટલો, વપરાયેલ ઇન્જેક્શનની સોયો અને સિરીંજ સામેલ છે. આ ઘટનાથી પર્યાવરણ અને જાહેર આરોગ્યને ગંભીર ખતરો ઉભો થયો છે. સ્થાનિક લોકો અને પર્યાવરણપ્રેમીઓમાં રોષ ફેલાયો છે અને તંત્ર દ્વારા તાત્કાલિક કચરો દૂર કરી દોષિતો સામે કડક કાર્યવાહી કરવાની માંગ કરવામાં આવી છે.