महाराष्ट्र शासनाच्या सांस्कृतिक कार्य संचालनालय, मुंबई यांच्यातर्फे आयोजित ६४ व्या हौशी मराठी राज्य नाट्य स्पर्धेत श्री रामशेठ ठाकूर सामाजिक विकास मंडळाच्या 'नारायणी' या दोन अंकी नाटकाने घवघवीत यश संपादन केले असून, या नाटकाला एकूण सात पारितोषिके मिळाली आहेत. या नेत्रदीपक यशाबद्दल माजी खासदार लोकनेते रामशेठ ठाकूर यांनी सर्व विजेत्या कलाकारांचे अभिनंदन करत त्यांच्या पुढील वाटचालीस शुभेच्छा दिल्या आहेत.