ସୋର: ଲେଙ୍କାଘର ଛକରେ ବାଇକ ସାଇକେଲ ଧକା, ସାଇକେଲ ଚାଳକ ଗୁରୁତ୍ତର, ରାସ୍ତା ରୋକ କଲେ ସ୍ଥାନୀୟ ଲୋକେ
Soro, Balasore | Nov 28, 2025 ସୋର ପୌର ପାଳିକା ଅନ୍ତର୍ଗତ ସୋର - ମାଣିପୁର ରାସ୍ତା ଲେଙ୍କା ଘର ଛକରେ ଆଜି ଅପରାହ୍ନରେ ବାଇକ ଓ ସାଇକେଲ ମଧ୍ୟରେ ଧକା ହେବା ଫଳରେ ସାଇକେଲ ଆରୋହୀ ଗୁରୁତର ଆହତ ହୋଇଛନ୍ତି। ସୁଚନା ଅନୁସାରେ ଆଜି ଅପରାହ୍ନରେ ସିଙ୍ଗାଖୁଣ୍ଟା ଗ୍ରାମର ମଧୁ ସିଂ ଓ ପ୍ରତାପ ସିଂ ଓଡି ୦୧ ଏ ଜେଡ ୨୪୫୬ ନମ୍ବର ବିଶିଷ୍ଟ ଏକ ହିରୋ ସ୍ପ୍ଲେଣ୍ଡର ବାଇକରେ ସୋର ଅଭିମୁଖେ ଆସୁଥିବା ବେଳେ ବିପରିତ ଦିଗରୁ ନଟାପଡ଼ା ପଞ୍ଚାୟତର ସୁରେଶ ସେଠୀ (୩୯) ସୋର କଲେଜ ଛକରେ ଲଣ୍ଡ୍ରି ଦୋକାନରୁ ଘରକୁ ଫେରୁଥିବା ବେଳେ ଏହି ଛକ ନିକଟରେ ଦୁର୍ଘଟଣା ଘଟିଥିଲା। ଫଳରେ ସୁରେଶ ଗୁରୁତର ଆହତ ହୋଇଥିଲେ।