रायगड जिल्हा परिषद आणि पंचायत समितीच्या सार्वत्रिक निवडणुकीसाठी शनिवार सकाळपासूनच मतदानाला चांगला प्रतिसाद मिळत असून मतदारांमध्ये मोठा उत्साह पाहायला मिळत आहे. माजी खासदार लोकनेते रामशेठ ठाकूर, पनवेल पंचायत समितीच्या माजी सदस्या रत्नप्रभा घरत, माजी उपसरपंच विजय घरत यांनी कोपर येथील मतदान केंद्रावर जाऊन आपला मतदानाचा हक्क बजावला. मतदान केल्यानंतर त्यांनी लोकशाहीच्या या उत्सवात सर्वांनी सहभागी होण्याचे आवाहन केले, तसेच बूथ केंद्रांना भेट देऊन आढावा घेतला.