ରାୟଗଡା: ବିଜିବିଓ ପ୍ରସ୍ତୁତି ତଦାରଖ ପାଇଁ ଜିଲ୍ଲାପାଳଙ୍କ ବିଷମକଟକ ଗସ୍ତ
ମଙ୍ଗଳବାର ଅପରାହ୍ନରେ ରାୟଗଡ଼ା ଜିଲ୍ଲାପାଳ ଶ୍ରୀମତୀ ପାରୁଲ ପଟଓ୍ବାରୀ ବିଷମକଟକ ଗସ୍ତ କରି ବିଜିବିଓ ପ୍ରସ୍ତୁତିର ତଦାରଖ କରିଛନ୍ତି। ଓଡ଼ିଶାର ପ୍ରତ୍ୟେକ ବ୍ଲକ ଓ ଗ୍ରାମ ପଞ୍ଚାୟତର ସମଗ୍ର ଗ୍ରାମୀଣ ବିକାଶକୁ ଆଗେଇ ନେବା ପାଇଁ " ବିକଶିତ ଗ୍ରାମ ବିକଶିତ ଓଡ଼ିଶା" କାର୍ଯ୍ୟକ୍ରମକୁ ଆଗାମୀ ୫ ତାରିଖ ଦିନ ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝୀ ଭର୍ଚୁଆଲରେ ଶୁଭାରମ୍ଭ କରିବେ। ପଞ୍ଚ ବାର୍ଷିକ ଯୋଜନାର ରୋଡମ୍ୟାପ, ଗ୍ରାମାଞ୍ଚଳରେ ରହିଥିବା ଭିତ୍ତିଭୂମି ଏବଂ ଉନ୍ନତମାନର ଜୀବନ ସୁନିଶ୍ଚିତ କରିବା ଲକ୍ଷ୍ୟରେ ଏହି ଯୋଜନାର ପରିକଳ୍ପନା କରାଯାଇଛି।