दिग्रस पोलीस स्टेशन हद्दीत धारदार शस्त्र बाळगून दहशत निर्माण करण्याच्या उद्देशाने फिरणाऱ्या एका तरुणावर दिग्रस पोलिसांनी कारवाई करत त्याला ताब्यात घेतले आहे. आकाश सुभाष शिंदे राहणार मोतीनगर दिग्रस असे आरोपीचे नाव आहे. याप्रकरणी दिग्रस पोलीस ठाण्यात आरोपी विरुद्ध गुन्हा दाखल करण्यात आला आहे. यवतमाळ जिल्ह्यातील अवैध शस्त्र बाळगणाऱ्यांवर व गुन्हेगारी प्रवृत्तीवर आळा घालण्याच्या दृष्टीने पोलीस अधीक्षक कुमार चिंता यांनी कठोर कारवाईचे आदेश दिले होते. त्या अनुषंगाने पोलीस निरीक्षक वैजनाथ मुंडे यांच्या मार्गदर्शनाखाली दिग्रस पोलिसांनी दिग्रस शहरात पेट्रोलिंग सुरू केली, दरम्यान आज शुक्रवारी पोलिसांना गोपनीय माहिती मिळाली की, आर्णी नाका, बैलबाजार परिसरात एक इसम प्लास्टिक पिशवीत धारदार शस्त्र बाळगून नागरिकांमध्ये दहशत निर्माण करण्याच्या उद्देशाने फिरत असतांना पोलिसांनी अटक केली.
