હાલ શિયાળાની ઋતુ ચાલી રહી છે. દિવસ અને રાત્રી દરમિયાન શહેરીજનો ઠંડીનો અહેસાસ કરી રહ્યા છે. આ વચ્ચે સુરતના સરથાણા પ્રાણી સંગ્રહાલયમાં વન્યજીવોને ઠંડીથી રક્ષણ આપવા માટે વિશેષ વ્યવસ્થા કરવામાં આવી છે. પાંજરામાં હીટરની સુવિધા ઉભી કરવામાં આવી છે. જ્યારે દિવસ દરમિયાન પણ અગ્નિ પ્રગટાવી ગરમ વાતાવરણ પૂરું પાડવામાં આવી રહ્યું છે. દર વર્ષની જેમ ચાલુ વર્ષે પણ પાલિકા સંચાલિત પ્રાણી સંગ્રહાલયના સંચાલકો એ ખાસ વન્યજીવો માટેની આ વ્યવસ્થા ઊભી કરી છે.