ଫୁଲବାଣୀ ସହର: କେଳାପଡା ପଞ୍ଚାୟତରେ ଥିବା ମଦ ଦୋକାନକୁ ସମ୍ପୂର୍ଣ୍ଣ ଉଛେଦ ଦାବିରେ ରାଲି ସହ ଗର୍ଜିଲେ ଶତାଧିକ ମହିଳା
ଆଜି ଅର୍ଥାତ ଅପ୍ରେଲ ୨୦ତାରିଖ ଶନିବାର ଦିନ ଅପରାହ୍ନ ୨ଟା ସମୟରେ କେଳାପଡା ପଞ୍ଚାୟତ ଓ ଭୃଙ୍ଗିଯୋଡି ପଞ୍ଚାୟତର ୬୦ଟି ମହିଳା ସ୍ୱୟଂ ସହାୟିକା ଗୋଷ୍ଠୀର ଶତାଧିକ ମହିଳା ଭୃଙ୍ଗୀଯୋଡି ଓ କେଳା ପଡା ମୁଖ୍ୟ ରାସ୍ତାରେ ମଦ ଦୋକାନ ବନ୍ଦ କରିବାକୁ ବିଭିନ୍ନ ସ୍ଲୋଗାନ ଦେଇ ଗର୍ଜିଥିଲେ l ପ୍ରଥମେ ଭୃଙ୍ଗିଯୋଡି ଛକ ନିକଟରେ ଏକ ବୈଠକ କରିବା ସହ ହାତରେ ପ୍ଲା କାର୍ଡ ଧରି ରାସ୍ତାରେ ଏକ ରାଲି କରିବା ସହ ଭୃଙ୍ଗୀଯୋଡି ଛକ ଓ ମଦ ଦୋକାନ ଦେଇ କେଳାପଡା ପଞ୍ଚାୟତ ପର୍ଯ୍ୟନ୍ତ ବିରାଟ ରାଲି କରିଥିଲେ l