ସୋର: ବାଗୁଡ଼ି ସମେତ ବିଭିନ୍ନ ସ୍ଥାନରେ ପ୍ରଶାସନର ଚଢ଼ାଉ, ୧୫ ବେଆଇନ ପଥର ଏବଂ ବାଲି ଗାଡି ଜବତ
Soro, Balasore | Nov 30, 2025
ସୋର ଥାନା ବାଗୁଡ଼ି ସମେତ ବିଭିନ୍ନ ସ୍ଥାନରେ ପ୍ରଶାସନ ପକ୍ଷରୁ ଚଢ଼ାଉ କରାଯାଇ ୧୫ ଟି ବେଆଇନ ବାଲି ଏବଂ ପଥର ବୋଝେଇ ଗାଡି ଜବତ କରାଯାଇଛି। ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ସୋର ତହସିଲଦାର ଦୈତାରୀ ମଲ୍ଲିକ ବାଗୁଡ଼ି ଖାଦାନରେ ଅଚାନକ ଚଢ଼ାଉ କରି ଦୁଇଟି ବେଆଇନ ପଥର ବୋଝେଇ ଡମ୍ପର ସହ ଜାତୀୟ ରାଜପଥ ତଳନଗର ନିକଟରେ ଚଢ଼ାଉ କରି ୫ ଟି ବେଆଇନ ବାଲି ବୋଝେଇ ହାଇୱା ଜବତ କରିଥିଲେ।ସେହିପରି କନିଷ୍ଠ ଖଣି ଅଧିକାରୀ ଜଗନ୍ନାଥ ଦାସ ବିଦୁ ଛକ ନିକଟରେ ଚଢ଼ାଉ କରି ୮ ଗୋଟି ବେଆଇନ ପଥର ବୋଝେଇ ଡମ୍ପର ଜବତ କରିଥିଲେ।ତେବେ ମୋଟ ୧୫ ଟି ଗାଡିକୁ ପ୍ରଶାସନ ସୋର ଥାନାରେଜିମା ଦିଆଯାଇଛି।