ઉધના: સુરતના કાપોદ્રામાં પતિના મિત્ર દ્વારા પરિણીતા પર બળાત્કાર
Udhna, Surat | Nov 22, 2025
સુરતના શહેરના કાપોદ્રા વિસ્તારમાં આવેલ હીરાબાગ પાસે રહેતા યુવકે તેના જ મિત્રની પત્ની પર દાનત બગાડી હતી અને તેની સાથે બળજબરીથી શારીરિક સંબંધો બાંધી બીબસ્ત ફોટા અને વિડિયો મોબાઈલમાં ઉતારી લીધા હતા. ત્યારબાદ આ વિડીયો અને ફોટા વાયરલ કરવાની ધમકી આપી છેલ્લા પાંચ વર્ષથી યુવકે પરિણીતાનું શારીરિક શોષણ કર્યું હતું. જેથી આખરે ભોગ બનનાર આ મામલે કાપોદ્રા પોલીસ મથકમાં ફરિયાદ નોંધાવતા પોલીસે તેની સામે બળાત્કારનો ગુનો દાખલ કરી કાયદેસરની કાર્યવાહી હાથ ધરી છે.