ଲୋଇସିଂହା: ଲୋଇସିଂହାରେ ଆସନ୍ତାକାଲିଠାରୁ ସମଲେଶ୍ବରୀ ଟ୍ରେନ ରହଣି ଅଂଚଳରେ ଖୁସିର ଲହରୀ
ଲୋଇସିଂହାରେ ବହୁ ପ୍ରତୀକ୍ଷିତ ସମଲେଶ୍ବରୀ ଟ୍ରେନ ଆସନ୍ତାକାଲିଠାରୁ ଲୋଇସିଂହା ରେ ରହଣି କରିବାକୁ ଯାଉଛି। ଏହି ନୂଆ ବ୍ୟବସ୍ଥା ଆରମ୍ଭ ହେବା ସହିତ ସ୍ଥାନୀୟ ଯାତ୍ରୀମାନେ ବହୁ ଲାଭାନ୍ବିତ ହେବେ ବୋଲି ଆଶା କରାଯାଉଛି। ସମଲେଶ୍ବରୀ ଟ୍ରେନର ଲୋଇସିଂହା ରହଣି ପାଇଁ ଦୀର୍ଘଦିନ ଧରି ଲୋକମାନଙ୍କ ଦାବି ଓ ଆକାଂକ୍ଷା ରହିଥିଲା। ସେହି ଦାବିକୁ ପୂରଣ କରାଇବାରେ ସ୍ଥାନୀୟ ବିଧାୟକ ତଥା ଓଡ଼ିଶାର ସ୍ୱାସ୍ଥ୍ୟ ମନ୍ତ୍ରୀ ଡା. ମୁକେଶ ମହାଲିଙ୍ଗ ମୁଖ୍ୟ ଭୂମିକା ଗ୍ରହଣ କରିଛନ୍ତି। ତାଙ୍କ ଅବିରତ ପ୍ରୟାସ ଓ ଫଲୋଅପ୍ ଫଳରେ ଶେଷପର୍ଯ୍ୟନ୍ତ ଲୋଇସିଂହା ରେ ସମଲେଶ୍ବରୀ ଟ୍ରେନ ରହଣି ନିଶ୍ଚିତ ହୋଇଛି।