पोस्को कायद्यांतर्गत दाखल होणाऱ्या सुमारे ९० टक्के प्रकरणांतील आरोपी हे पीडित बालकांचे परिचित व ओळखीचेच असतात. बाहेरून आलेली व्यक्तीच अत्याचार करते, हा गैरसमज असल्याचे अकोल्याचे पोलीस अधीक्षक अर्चित चांडक यांनी सांगितले. गुड आणि बॅड टचची माहिती नसल्यामुळे अनेक गुन्हे उशिरा नोंद होतात. त्यामुळे लहान बालकांमध्ये जनजागृती आवश्यक आहे. पोस्कोतील एकही आरोपी सोडला जाणार नाही, तसेच दोषींना कठोरात कठोर शिक्षा मिळवून देण्यासाठी हायकोर्टापासून सुप्रीम कोर्टापर्यंत लढा दिला जाईल.