अभ्यासाच्या आणि परीक्षेच्या तणावातून महादुला येथील १५ वर्षीय विद्यार्थिनी अनुष्का नरेंद्र ढोक हिने राहत्या घरी गळफास लावून आत्महत्या केली. अनुष्काचे वडील सीआरपीएफ मध्ये मणिपूर येथे कार्यरत आहेत. ती घरी आई, भाऊ आणि आजी-आजोबांसोबत राहत होती. रविवारी रात्री कुटुंबातील सदस्य कार्यक्रमासाठी मंदिरात गेले होते. घरी एकटी असताना अनुष्काने हे टोकाचे पाऊल उचलले. पोलिसांना घटनास्थळी हिंदी आणि इंग्रजीत लिहिलेली सुसाईड नोट सापडली आहे.