బాలికలకు ఆత్మరక్షణ విద్యపై రాయదుర్గం పట్టణంలోని కస్తూరిబాయి పాఠశాల, గర్ల్స్ హైస్కూల్ లో అవగాహనా కల్పించారు. మహిళా సాధికారత వారోత్సవాల్లో భాగంగా జిల్లా ఎస్పీ జగదీష్ ఆదేశాలతో సిఐ జయనాయక్ ఆధ్వర్యంలో బుధవారం స్థానిక బాలికలకు కరాటే నిపుణుల చేత మెలుకువలు నేర్పించారు. ఎటువంటి ఇబ్బందికర పరిస్థితులలోనూ కుంగిపోకుండా ధైర్యంగా ఎదుర్కోవాలని సిఐ సూచించారు. అవసరమైతే పోలీసు సహాయం పొందాలని కోరారు.