అసిఫాబాద్: వయోవృద్ధుల సంరక్షణకు టోల్ ఫ్రీ నెంబర్: ఆసిఫాబాద్ జిల్లా కలెక్టర్ వెంకటేష్ ధోత్రే
తల్లితండ్రులను సరిగా పోషించని కుమారులు, కూతుర్లపై ఇప్పటి వరకు ASF జిల్లాలో 28 కేసులు నమోదు చేసినట్లు ASF కలెక్టర్ వెంకటేష్ దోత్రే అన్నారు. వారికి కౌన్సెలింగ్ నిర్వహించి వారిలో మార్పుకు కృషి చేస్తున్నామని తెలిపారు. వయోవృద్ధుల పోషణ,సంక్షేమ చట్టం - 2007 ప్రకారం ట్రిబ్యునల్లు పనిచేస్తున్నాయని తెలిపారు. వయోవృద్ధులు తమ కుమారులు, కుమార్తెలు ఆస్తులు తీసుకుని వారి పోషణ, సంరక్షణ గురించి పట్టించుకోనట్లయితే సబ్ కలెక్టర్ కార్యాలయాలలో సంప్రదించి న్యాయం పొందవచ్చని, ఆ దిశగా చర్యలు తీసుకుంటామని తెలిపారు. నిరాదరణకు గురైన వయోవృద్ధులు టోల్ ఫ్రీ నం.14567 లో సంప్రదించవచ్చని తెలిపారు.