સુરત શહેરના ભેસ્તાનમાં રહેતી યુવતી તેમના વિસ્તારમાં આવેલ એક હિતાચી એટીએમ માં પૈસા ઉપાડવા માટે ગઈ હતી. આ સમયે બે યુવકોએ તેમને મદદ કરવાના બહાને વાતોમાં ભોળવી તેમનું બેંક ઓફ બરોડા નું એટીએમ કાર્ડ બદલી નાખી તેમની નજર ચૂકવી બીજું એટીએમ કાર્ડ પધરાવી દીધું હતું અને તેમની પાસેથી પીન નંબર જાણી લઈ તેમની ગેરહાજરીમાં રૂપિયા ૧૦,૦૦૦ ઉપાડી તેમની સાથે છેતરપિંડી કરી હતી. જેથી ભોગ બનનાર યુવતીએ આ મામલે પોલીસ ફરિયાદ નોંધાવતા પોલીસે ગુનો દાખલ કરી વધુ તપાસ હાથ ધરી છે.