સુરત: શહેરના રિયલ એસ્ટેટ ક્ષેત્રમાં રોકાણના નામે લાખો-કરોડો રૂપિયા પડાવતા તત્વો સામે પોલીસ લાલ આંખ કરી રહી છે. સુરત ઇકો સેલ દ્વારા રૂ. ૧.૩૦ કરોડની ઠગાઈના કેસમાં કુખ્યાત બિલ્ડર પિંકેશ સુરેશભાઈ પટેલની ધરપકડ કરવામાં આવી છે.આરોપી પિંકેશ પટેલે તેની પેઢી 'ગેલેક્ષી ઇન્ફ્રાકોન' દ્વારા રોકાણકારોને આકર્ષી છેતરપિંડીનું જાળું બિછાવ્યું હતું.ફરિયાદીને પેઢીમાં રોકાણ કરાવી તેના બદલામાં ફ્લેટ આપવાનું વચન આપ્યું હતું.