संभाजीनगर ते निलंगा या मार्गावर धावणाऱ्या एसटी बसमध्ये प्रवासादरम्यान एका वृद्ध महिलेच्या दागिन्यांची चोरी झाल्याची धक्कादायक घटना घडली आहे. चोरी गेलेल्या सोन्याची किंमत जवळपास १२ लाख रुपये असल्याचे सांगितले जात आहे. शांत साळवे असे या वृद्ध महिलेचे नाव असून त्या संभाजीनगर येथून निलंगा येथे जाण्यासाठी एसटी बसने प्रवास करत होत्या. प्रवासादरम्यान त्यांच्या पर्समध्ये ठेवलेले दागिने कधी गायब झाले याची त्यांना कल्पना नाही. बस बीड एसटी स्थानकात आल्यानंतर महिलेने मोठा आक्रोश व्यक्त केला.