जालना शहर महानगरपालिका सार्वत्रिक निवडणूक 2025-26 च्या पार्श्वभूमीवर मतदान व मतमोजणी प्रक्रियेदरम्यान शिस्त, सुरक्षितता आणि पारदर्शकता राखण्यासाठी प्रशासनाने कडक नियमावली जाहीर केली आहे. बुधवार दि. 14 जानेवारी 2026 रोजी सायंकाळी 6 वाजता मिळालेल्या माहितीनुसार सिद्धिकी इंजिनिअरिंग, औद्योगिक वसाहत फेज 3 येथे राजकीय पक्षांच्या प्रतिनिधींची महत्त्वाची बैठक संपन्न झाली. या बैठकीत मतदान आणि मतमोजणीदरम्यान पाळावयाचे नियम, प्रवेश व्यवस्था तसेच प्रशासकीय तयारीबाबत सविस्तर माहिती देण्यात आली.