పెద్దపప్పూరు మండలం లో వెలసివున్న శ్రీ అశ్వర్థ నారాయణ స్వామి క్షేత్రంలో నారాయణస్వామి బ్రహ్మోత్సవాలు అత్యంత ఘనంగా జరుగుతున్న విషయం తెలిసిందే. ఈ క్రమంలో మూడవ ఆదివారం ఇంకా వైభవంగా బ్రహ్మోత్సవాల నిర్వహించడానికి అన్ని ఏర్పాట్లు చేశారు. ఈ సందర్భంగా శనివారం సీఐ రామసుబ్బయ్య ట్రాఫిక్ ఆంక్షలు, పార్కింగ్ స్థలాలు గురించి వివరించారు. ఆలయ ప్రాంగణంలోకి వాహనాలు అనుమతి లేదన్నారు. ఆయా ప్రాంతాల నుంచే వచ్చే వాహనాలు కాశిరెడ్డి నాయన ఆశ్రమం, సాయిబాబా ఆలయం, జూనియర్ కళాశాల, పవర్ ఆఫీస్ ప్రాంతాల్లో పార్కింగ్ చేయాలన్నారు.