राजुरा विधानसभा मतदारसंघातील अत्यंत दुर्गम, आकांक्षित आणि आदिवासीबहुल तालुका असलेल्या जिवती येथील ३० खाटांच्या ग्रामीण रुग्णालयाच्या पहिल्या मजल्याचे बांधकाम पूर्ण करण्याचा मार्ग अखेर मोकळा झाला आहे. या कामासाठी ₹ १५.६२ कोटी रुपयांचा निधी उपलब्ध करण्यासंदर्भात आमदार देवराव भोंगळे यांनी आज विधानभवन नागपूर येथे राज्याचे आरोग्यमंत्री ना. प्रकाशजी आबिटकर यांच्यासह बैठक घेतली. या बैठकीत आरोग्यमंत्र्यांनी सर्व सकारात्मक कार्यवाही करून १५ कोटींचा निधी मंजूर करण्याचे आश्वासन दिले आहे.