विदर्भाची प्रतीपंढरी म्हणून ओळखल्या जाणाऱ्या श्रीक्षेत्र घोराड येथे संत श्री केजाजी महाराजांच्या ११९ व्या पुण्यतिथी महोत्सवानिमित्त सोमवारी (दि. १९ जानेवारी) भक्तिमय वातावरणात भव्यदिव्य पालखी व दिंडी सोहळा पार पडला. पंचक्रोशीतील गावांमधून आलेल्या ३२० हून अधिक भजनी मंडळांसह हजारो भाविकांच्या उपस्थितीने घोराड नगरी अक्षरशः भक्तांच्या जनसागराने फुलून गेली होती. सकाळी ११ वाजता विठ्ठल रुक्मिणी मंदिरातून पालखी सोहळ्याला प्रारंभ झाला. सायंकाळी ५.३० वाजता महाप्रसादाने दिंडी सोहळा पार पडला.