ગોધરાના ચીખોદ્રા વિસ્તારમાં આવેલ પ્લાસ્ટિક ભંગારના ગોડાઉનમાંથી રૂ. 5.82 લાખની રોકડ રકમની ચોરીની ઘટના સામે આવી છે. મોહમદી સોસાયટી, ગોધરા ખાતે રહેતા ઉબેદુલ્લા સુલેમાને આ બાબતે ગોધરા શહેર બી ડિવિઝન પોલીસમથકે અજાણ્યા ઈસમ વિરુદ્ધ ફરિયાદ નોંધાવી છે. ફરિયાદ મુજબ ગત તા. 8 ડિસેમ્બરના રોજ રાત્રિના સમયે ગોડાઉનની ઓફિસના ટેબલના ડ્રોઅરમાં રાખેલી રોકડ રકમનું લોક તોડી ચોરી કરવામાં આવી હતી. બીજા દિવસે તપાસ દરમિયાન રકમ ગાયબ હોવાનું સામે આવ્યું હતું.