ಹುಲೇಕಲನಲ್ಲಿ ಹೆಸ್ಕಾಂ ನೂತನ ಶಾಖಾ ಕಛೇರಿ ಕಟ್ಟಡಕ್ಕೆ ಶಾಸಕ ಭೀಮಣ್ಣ ನಾಯ್ಕ ಶಂಕುಸ್ಥಾಪನೆ ಶಿರಸಿ :ತಾಲೂಕಿನ ಹುಲೇಕಲ್ ಭಾಗದ ವಿದ್ಯುತ್ ಗ್ರಾಹಕರಿಗೆ ಸುಸಜ್ಜಿತ ಸೇವೆ ಒದಗಿಸುವ ನಿಟ್ಟಿನಲ್ಲಿ, ಸುಮಾರು 1 ಕೋಟಿ 99 ಲಕ್ಷ ರೂ. ವೆಚ್ಚದ ಹೆಸ್ಕಾಂ (HESCOM) ನೂತನ ಶಾಖಾ ಕಛೇರಿ ಕಟ್ಟಡಕ್ಕೆ ಶಾಸಕ ಭೀಮಣ್ಣ ನಾಯ್ಕ ಶಂಕುಸ್ಥಾಪನೆ ನೆರವೇರಿಸಿದರು. ಈ ಸಂದರ್ಭದಲ್ಲಿ ಮಾತನಾಡಿ, ನೂತನ ಕಟ್ಟಡವು ವಿದ್ಯುತ್ ಸಮಸ್ಯೆಗಳ ಶೀಘ್ರ ವಿಲೇವಾರಿ ಹಾಗೂ ಇಲಾಖೆಯ ಕೆಲಸಗಳಿಗೆ ಹೆಚ್ಚಿನ ವೇಗ ನೀಡಲಿದೆ. ಅತ್ಯಾಧುನಿಕ ಸೌಲಭ್ಯವುಳ್ಳ ಈ ಕಟ್ಟಡವನ್ನು ನಿಗದಿತ ಅವಧಿಯಲ್ಲಿ ಪೂರ್ಣಗೊಳಿಸಿ ಸಾರ್ವಜನಿಕರ ಸೇವೆಗೆ ಅರ್ಪಿಸಲಾಗುವುದು ಎಂದರು.