ଗତକାଲି ମାଲକାନଗିରି ଜିଲ୍ଲା କାରାଗାରରେ ବିଚାରାଧୀନ କଏଦୀ ଭାବେ ଥିବା କଳାଗୁଡ଼ା ଗ୍ରାମର ଲକ୍ଷ୍ମୀନାଥ ବେହେରାଙ୍କ ମୃତ୍ୟୁ ଘଟିଥିଲା। ଜେଲ ଭିତରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିବା ନେଇ ମିଥ୍ୟା ତଥ୍ୟ ଦିଆଯାଉଥିବା ଅଭିଯୋଗ କରିଛନ୍ତି ସ୍ଥାନୀୟ ଲୋକେ। ଗତ ସପ୍ତାହେ ଭିତରେ ଜେଲ୍‌ରେ ଦୁଇ ଜଣ ବିଚାରାଧୀନ କଏଦୀଙ୍କ ମୃତ୍ୟୁ ଘଟିସାରିଛି। ଏହାକୁ ନେଇ ଆଜି ଜିଲ୍ଲା ଗୌଡ଼ ସମାଜ ଏବଂ ମୃତକଙ୍କ ସ୍ତ୍ରୀ ଓ ପରିବାର ବର୍ଗ ମାଲକାନଗିରି ଏସପିଙ୍କୁ ଭେଟି ଏକ ଦାବିପତ୍ର ପ୍ରଦାନ କରିଛନ୍ତି। ପରିବାରର ରୋଜଗାରିଆ ବ୍ୟକ୍ତିଙ୍କୁ ହରାଇ ସନ୍ତାନ ଓ ସ୍ତ୍ରୀ ବର୍ତ୍ତମାନ ବେସାହାରା ହୋଇପଡ଼ିଥିବାରୁ ସରକାରଙ୍କ ତରଫରୁ ୫୦ ଲକ୍ଷ ଟଙ୍କାର କ୍ଷତିପୂରଣ, ପିଲାଙ୍କ ପାଠପଢ଼ା ଦାୟିତ୍ୱ ଏବଂ ସ୍ତ୍ରୀଙ୍କୁ ଚାକିରି ଯୋଗାଇଦେବାକୁ ଦାବି କରାଯାଇଛି। ଏଥିସହିତ ଘଟଣାରେ ସମ୍ପୃକ୍ତ ଅଧିକାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ସମାଜ ଦାବି କରିଛି।

charcha