Public App Logo
Login
Profile Picture

அதிரை எக்ஸ்பிரஸ்

@adiraixpress
40Followers
2Following
Video 0
அதிராம்பட்டினம் கீழத்தெருவில் நடக்கவிருந்த பெரும் அசம்பாவிதம்… சமயோசிதமாக சிந்தித்ததால் தவிர்க்கப்பட்டு, பெரும் விபத்து தடுக்கப்பட்டது! அதிராம்பட்டினம் கீழத்தெரு பகுதியில், வீட்டில் சமையல் எரிவாயு கசிவு ஏற்பட்டதால் அப்பகுதி மக்கள் அதிர்ச்சியடைந்தனர். நிலைமையின் தீவிரத்தை உணர்ந்து, உடனடியாக செயல்பட்ட பொதுமக்கள் தீயணைப்புத் துறையினருக்கு தகவல் தெரிவித்தனர். விரைந்து வந்த தீயணைப்புத் துறையினர், பாதுகாப்பு நடவடிக்கைகளை மேற்கொண்டு, சமையல் எரிவாயு கசிவை கட்டுக்குள் கொண்டு வந்தனர். இதனால், ஏற்படவிருந்த மிகப்பெரிய தீ விபத்து மற்றும் அசம்பாவிதம் தவிர்க்கப்பட்டது. சமயோசிதமாக செயல்பட்ட பொதுமக்கள் மற்றும் தீயணைப்புத் துறையினரின் துரித நடவடிக்கையால், பெரும் விபத்து தவிர்க்கப்பட்ட நிலையில், அப்பகுதி மக்கள் நிம்மதி பெருமூச்சு விட்டனர்!
அதிராம்பட்டினம் அருகே ரயில் மோதி மூதாட்டி உயிரிழப்பு! அதிராம்பட்டினம் முடுக்குக்காடு பகுதியைச் சேர்ந்த மூதாட்டி ஒருவர் ரயில் மோதி சம்பவ இடத்திலேயே உயிரிழந்தார். உடலை மீட்ட RPF காவலர்கள், ஐமுமுக அவசர ஊர்தி மூலம் உடற்கூறு ஆய்வுக்காக அதிராம்பட்டினம் அரசு மருத்துவமனைக்கு அனுப்பி வைத்தனர்.
சவூதி அரேபியாவில் வசிக்கும் தமிழர்களுக்கு தமிழக அரசு உதவி எண்கள் அறிவிப்பு சென்னை: சவூதி அரேபியாவில் நிலவும் அசாதாரண சூழ்நிலையை முன்னிட்டு, அங்கு வசித்து வரும் தமிழர்களின் நிலை குறித்து தகவல்களை அறிந்து கொள்ளவும், தேவையான உதவிகளை வழங்கவும் தமிழக அரசு சார்பில் உதவி எண்கள் அறிவிக்கப்பட்டுள்ளன. தமிழ்நாடு அரசின் அயலகத் தமிழர் நலன் மற்றும் மறுவாழ்வுத் துறை – NRI Cell சார்பில், சவூதி அரேபியாவில் வசிக்கும் தமிழர்கள் மற்றும் அவர்களது குடும்பத்தினர் தொடர்பு கொள்ளும் வகையில் 24 மணி நேர அவசர உதவி சேவை ஏற்படுத்தப்பட்டுள்ளது. 📞 உதவி எண்கள்: NRI Cell: 044-22502227 கட்டணமில்லா உதவி எண்: 8002471234 சவூதி அரேபியாவில் வசிக்கும் தமிழர்களின் தற்போதைய நிலை, பாதுகாப்பு மற்றும் அவசரத் தேவைகள் தொடர்பான தகவல்களை மேற்கண்ட எண்களில் தொடர்பு கொண்டு தெரிவிக்கலாம் என தமிழக அரசு சார்பில் தெரிவிக்கப்பட்டுள்ளது.
காணாமல் போனவர் பற்றிய போஸ்டர் பகிர்ந்தோம், அவர் தற்போது திருத்துறைப்பூண்டியில் கிடைத்து விட்டார். எமது பதிவை பகிர்ந்து உதவிய நல் உள்ளங்கள் அனைவருக்கும் அன்னாரின் குடும்பத்தினர் நன்றியை தெரிவித்து கொள்கிறார்கள். இனி இந்த போஸ்ட்டரை பகிர வேண்டாம் என்றும் கேட்டு கொள்கிறார்கள்.
முக்கிய அறிவிப்பு!! ஜமால் அவர்கள் கிடைத்துவிட்டார். தகவலைப் பகிர்ந்து உதவிய அனைவருக்கும் குடும்பத்தின் சார்பாக மனமார்ந்த நன்றியை தெரிவித்துள்ளனர் தயவுசெய்து இந்தப் பதிவை மேலும் ஃபார்வேர்டு செய்ய வேண்டாம். என்று கேட்டுக் கொள்கிறோம் 18-10-2026
அதிரை ஸ்டூடண்ட்ஸ்க்கு அடிச்சது ஜாக்பாட்... வருகின்ற 22ஆம் தேதி லீவு...
மரண அறிவிப்பு அதிராம்பட்டினம் பெரிய நெசவுக்காரத் தெருவைச் சேர்ந்த மர்ஹூம் மீ.ப பக்கீர் முகம்மது அவர்களின் மகனும்,மர்ஹூம் எஸ். முகம்மது உமர் அவர்களின் மருமகனும், எம்.யு. மொய்தீன் அப்துல்காதர், எம்.யு. தமீம் அன்சாரி, எம்.யு. அஸ்ரஃப் ஆகியோரின் மச்சானும், முத்துப்பேட்டை மன்சூர், எஸ். நிஸார் அகமது ஆகியோரின் மாமனாரும், கே. சர்புதீன், ஹெச். பைசல் அஸ்லம் ஆகியோரின் தகப்பனாருமான மர்ஹூம் மீ.ப ஹாஜா அலாவுதீன் அவர்கள் இன்று காலை சி.எம்.பி லைன் இல்லத்தில் வஃபாத்தாகிவிட்டார்கள். அன்னாரின் ஜனாஸா இன்று மாலை 5:00 மணியளவில் மரைக்காயர் பள்ளி மையவாடியில் நல்லடக்கம் செய்யப்படும். எல்லாம் வல்ல அல்லாஹ் அன்னாரின் பிழைகளைப் பொறுத்து, ஜன்னத்துல் ஃபிர்தௌஸ் எனும் உயரிய சுவனத்தை வழங்குவானாக! ஆமீன். 🤲
‘ஆனை விழுந்தான் குளமா... இல்ல நகராட்சியின் மானப் பிரச்சினையா?!. அதிராம்பட்டினத்தில் மழை பெய்தால் மக்களுக்கு சந்தோஷமோ இல்லையோ, நகராட்சிக்குத் தான் தொண்டை வறண்டு போகு போல! 'மழை வருதே... மழை வருதே...'னு பாட்டு பாடுறதை விட்டுட்டு, 'ஐயோ! அடுத்தது எதை அடைக்கிறது, எதை திறக்கிறது?'னு யோசிச்சு யோசிச்சு அதிகாரிகளுக்குத் தூக்கமே போயிருச்சாம். விஷயம் வேற ஒன்னும் இல்லைங்க... நம்ம ஊரு ஆனை விழுந்தான் குளம் இருக்குதே, அதைச் சுத்தி விடப்பட்டிருந்த கழிவு நீர் குழாய்கள் எல்லாத்தையும் ‘டக்கர்’னு அடைச்சுட்டாங்க. சரி, அடைச்சது தான் அடைச்சாங்க... அந்த கழிவு நீர் எல்லாம் 'நாங்க எங்க போவோம்?'னு யோசிச்சு, சேர்மன் வாடி பகுதியில் இருக்குற கால்வாயில ஒன்னு கூடி 'நாங்க இங்கயே நீச்சல் அடிக்கிறோம்!'னு நிரம்பித் ததும்பி நிற்குது. போதாத குறைக்கு அதிராம்பட்டினத்துல கனமழையும் பொளந்து கட்டியிருக்கு. கழிவு நீரும் மழை நீரும் ஒன்னு சேர்ந்து, "எங்களை வெளியே விடுங்கடா சாமி!"னு கூச்சலிடாத குறையா எந்நேரமும் உடைப்பு ஏற்படுற நிலைமைக்கு வந்துருச்சு. உடனே நம்ம 'பெயர் கூற விரும்பாத' அதிகாரி ஒருத்தருக்கு மாஸான யோசனை ஒன்னு தோணியிருக்கு! குளத்தை கஷ்டப்பட்டு தூர்வாரிய அந்த தொண்டு நிறுவன நபர்கள்கிட்ட போயி, "யோவ்! நிலைமை கைமீறி போச்சு... குளத்துக்குள்ள இந்த தண்ணியை திறந்து விடுங்கப்பா!"னு மிரட்டுற பாணியில ‘ரிக்வஸ்ட்’ வச்சிருக்காரு. அதைக்கேட்ட அந்த தொண்டு நிறுவன ஆளுங்க பதறிப்போய், "அண்ணே! நாங்க எவ்வளவு கஷ்டப்பட்டு தூர்வாரி சுத்தம் பண்ணி வச்சிருக்கோம்... இதுல போயி கழிவுநீரை விட சொல்றீங்களே? என சொல்ல இவங்க முடியாது என சொல்ல விடுங்க நாளைக்கு காத்தால நான் பாத்துக்கிறேன் சொல்லி துண்டிச்சிட்டாராம்.. நகராட்சிக்கு ஒரு அன்பான வேண்டுகோள்: ஐயா நகராட்சி நிர்வாகமே! 'வெள்ளம் வருமுன்னே அணை போடணும்'னு பழமொழி தான் கேள்விப்பட்டிருப்போம். ஆனா இங்க 'பிரச்சினை வருமுன்னே விழிச்சுக்கணும்'ங்கிறதை மறந்துட்டீங்களே! இனியாவது ஊர் முழுவதும் ஒழுங்கா கழிவு நீர் வடிகால்களை அமைச்சு, தண்ணி முறையா போறதுக்கு வழி பண்ணுமா நகராட்சி? அல்லது... பஞ்சாயத்து முடிஞ்சு, தண்ணி ஊருக்குள்ள புகுந்ததுக்கு அப்புறம், ‘ஆய் போன பிள்ளையை போல’ முழிச்சுக்கிட்டு நிற்குமா? பொறுத்திருந்து பார்ப்போம்... ஆனை விழுந்தான் குளத்துல தண்ணி நிரம்புதோ இல்லையோ, நகராட்சியின் இமேஜ்ல ஊத்தல் எடுக்காம இருந்தா சரிதான்!
கடலூர் மாவட்டம், சிதம்பரம் வட்டத்திலுள்ள பரங்கிப்பேட்டை ஜமாத் சார்பாக கடற்கரையோர ஊர்களின் முஸ்லிம்கள் வரலாறை தொகுக்கும் நோக்கில் ஐவர்குழு அதிரைக்கு வருகை தந்தனர். பைத்துல்மால் (ABM) மற்றும் நம் ஷம்சுல் இஸ்லாம் சங்கத்திற்கும் வருகை தந்தனர். அதிரையின் பாரம்பரியம், வணிக தொடர்புகள் சமூக சேவை மற்றும் பள்ளிவாசல்களின் கட்டிட்டக் கலையமைப்பு போன்றவற்றையும் நிஸ்வான் மதரஸாவையும் பார்வையிட்டனர். பைத்துல்மால் மற்றும் தாருன் நுஸ்ரா ஆகிய சேவை அமைப்புகள் குறித்த விபரங்களையும், மஹல்லா ஜமாத்தின் மார்க்க மற்றும் சமூக சேவைகளையும் கேட்டறிந்து அவர்களின் ஊரிலும் இதுபோன்ற தொடர்ச்சியான அமைப்பை உருவாக்கும் எண்ணத்தையும் பகிர்ந்து கொண்டனர். சந்திப்பின்போது சங்கப் பிரதிநிதிகளும், பைத்துல்மால் பொறுப்பாளர்களும் கலந்து கொண்டனர். பரங்கிப்பேட்டையிலிருந்து L.ஹமீது மரைக்காயர் (மஹ்மூத் பந்தர் நூலாசிரியர்) மற்றும் ஹுசைனுல் ஆபிதீன், நூர் அலி அப்பாஸ், அபுல்கலாம் ஆஸாத், அப்துல் ரஹ்மான் ஆகியோர் வந்திருந்தனர். அதிரை பைத்துல்மால் தலைவர் N.Fபத்ஹுத்தீன் மற்றும் அதிரை ஜமீல் காக்கா (அதிரை தாருத் தவ்ஹீத்) S.M.A. சாகுல் ஹமீது (கடற்கரை தெரு) ஆகியோருடன் ஷம்சுல் இஸ்லாம் சங்க துணை தலைவர், பொருளாளர், செயலாளர் மற்றும் பொறுப்பாளர்களுடன் Shifa Hospital Director O. இம்தியாஸ் அஹமது அவர்களும் கலந்து கொண்டனர். தென்னிந்தியாவின் மாபர் (MAABAR) கிழக்குக் கடற்கரையோர ஊர்களின் தொன்மை மற்றும் பாரம்பரிய தொடர்புகளை வலுப்படுத்தும் வகையில் இக்குழுவினர் காயல்பட்டினம் மற்றும் கீழக்கரைக்கும் செல்கின்றனர்.
அதிரையில் அதிகரிக்கும் தெருநாய்கள் தொல்லை: உடனடி நடவடிக்கை எடுக்க ஆம் ஆத்மி கட்சி வலியுறுத்தல்! அதிராம்பட்டினம் நகராட்சிப் பகுதிகளில் பொதுமக்களுக்கு அச்சுறுத்தலாக உள்ள தெருநாய்களைக் கட்டுப்படுத்தவும், வீடுகளில் வளர்க்கப்படும் நாய்கள் குறித்து உரிய நடவடிக்கை எடுக்கவும் வலியுறுத்தி, ஆம் ஆத்மி கட்சி சார்பில் அரசு அதிகாரிகளுக்கு கோரிக்கை மனு அளிக்கப்பட்டுள்ளது. ஆம் ஆத்மி கட்சியின் தஞ்சாவூர் மாவட்ட மீனவர் அணித் தலைவர் V. வேலாயுதம் சார்பில், தஞ்சாவூர் மாவட்ட ஆட்சியர், மாவட்ட துணை இயக்குநர் (பொது சுகாதாரம் மற்றும் நோய்த் தடுப்பு மருத்துவத் துறை) மற்றும் அதிராம்பட்டினம் நகராட்சி ஆணையர் ஆகியோருக்கு இந்தக் கோரிக்கை முன்வைக்கப்பட்டுள்ளது. அந்த மனுவில் கூறப்பட்டுள்ளதாவது: அதிராம்பட்டினம் நகராட்சிப் பகுதிகளில் வீடுகளில் வளர்க்கப்படும் நாய்கள் தெருக்களில் சுற்றித்திரிவதாகவும், சில நாய்கள் கொக்குகள் போன்ற பறவைகளைக் கடித்துக் கொன்று வருவதாகவும் பொதுமக்கள் தெரிவிக்கின்றனர். மேலும், தெருநாய்களின் தொல்லையால் பொதுமக்கள் அச்சமடைந்துள்ளனர். குறிப்பாக, தெருக்களில் சுற்றித்திரியும் நாய்களால் குழந்தைகள், பெண்கள் மற்றும் முதியவர்களின் பாதுகாப்பு கேள்விக்குறியாகியுள்ளது. இதனால் பொதுமக்களின் பாதுகாப்பைக் கருத்தில் கொண்டு, நகராட்சி நிர்வாகம் உடனடியாக நடவடிக்கை எடுக்க வேண்டும். மனுவில் வலியுறுத்தப்பட்டுள்ள கோரிக்கைகள்: தெருநாய்களின் எண்ணிக்கையைக் கட்டுப்படுத்த உரிய நடவடிக்கை எடுக்க வேண்டும். வீடுகளில் வளர்க்கப்படும் நாய்களுக்கு உரிய தடுப்பூசிகள் செலுத்தப்பட்டுள்ளதை உறுதி செய்ய வேண்டும். தெருக்களில் சுற்றித்திரியும் நாய்கள் தொடர்பாக நகராட்சி நிர்வாகம் உரிய நடவடிக்கை மேற்கொள்ள வேண்டும். பொதுமக்களுக்கு அச்சுறுத்தலாக உள்ள நாய்கள் தொடர்பாகத் தேவையான பாதுகாப்பு நடவடிக்கைகளை மேற்கொள்ள வேண்டும். நாய்களின் உரிமையாளர்கள் பொறுப்புடன் செயல்படுவதை உறுதிப்படுத்த வேண்டும். பொதுமக்களின் நலன் மற்றும் சுகாதாரத்தைப் பாதுகாக்க சம்பந்தப்பட்ட அதிகாரிகள் உடனடியாக நடவடிக்கை எடுக்க வேண்டும் என மனுவில் வலியுறுத்தப்பட்டுள்ளது. அதிராம்பட்டினத்தில் தெருநாய்கள் தொல்லை குறித்து தொடர்ந்து புகார்கள் எழுந்துவரும் நிலையில், ஆம் ஆத்மி கட்சியின் இந்தக் கோரிக்கைக்கு நகராட்சி நிர்வாகம் என்ன நடவடிக்கை எடுக்கப்போகிறது என்ற எதிர்பார்ப்பு எழுந்துள்ளது. — அதிரை எக்ஸ்பிரஸ் செய்திப் பிரிவு
அதிரை திமுகவில் ஒரே நகரமா? இரு நகரங்களா? அஸ்லம் – இராம. குணசேகரன் இடையே மாறுபட்ட நிலைப்பாடு! இறுதி முடிவு தலைமையின் கையில்! அதிராம்பட்டினம் | அரசியல் சிறப்புச் செய்தி அதிராம்பட்டினம் திமுகவில் தற்போது நடைமுறையில் உள்ள கிழக்கு, மேற்கு என இரு நகர அமைப்புகளை ஒன்றிணைக்க வேண்டுமா? அல்லது தற்போதைய நடைமுறையே தொடர வேண்டுமா? என்ற விவாதம் கட்சி வட்டாரத்தில் கவனம் பெற்றுள்ளது. அதிராம்பட்டினத்தில் திமுக நிர்வாக வசதிக்காக கிழக்கு, மேற்கு என இரண்டு நகர அமைப்புகளாகப் பிரிக்கப்பட்டது. இதில் மேற்கு நகரச் செயலாளராக முன்னாள் பேரூராட்சித் தலைவர் அஸ்லமும், கிழக்கு நகரச் செயலாளராக இராம. குணசேகரனும் நியமிக்கப்பட்டனர். இரு நகர அமைப்புகளும் பல்வேறு தேர்தல்களைச் சந்தித்துள்ள நிலையில், மேற்கு நகரப் பகுதியில் அதிகப்படியான வாக்குகளைப் பெற்றதன் மூலம் கட்சித் தலைமையிடம் நல்ல பெயரைப் பெற்றுள்ளதாக அத்தரப்பினர் தெரிவிக்கின்றனர். அதேவேளையில், கிழக்கு நகரச் செயலாளரான இராம. குணசேகரன், அதிராம்பட்டினம் நகராட்சி துணைத் தலைவராகவும் பதவி வகித்து வருகிறார். உள்ளாட்சித் தேர்தலை முன்னிட்டு திமுகவில் நிர்வாகச் சீரமைப்பு! வரவிருக்கும் உள்ளாட்சித் தேர்தலைக் கருத்தில் கொண்டு, தமிழகம் முழுவதும் கட்சியின் உட்கட்டமைப்புகளைச் சீரமைக்கும் நடவடிக்கைகளில் திமுக தலைமை கவனம் செலுத்தி வருகிறது. கிராம ஊராட்சிகள், பேரூராட்சிகள், நகராட்சிகள், ஒன்றியங்கள் மற்றும் மாவட்ட அமைப்புகள் எனப் பல்வேறு நிலைகளிலும் நிர்வாகக் கட்டமைப்புகளை வலுப்படுத்தி, எதிர்காலத்தில் உட்கட்சிப் பூசல்களுக்கு இடமின்றி தேர்தல் களத்தைச் சந்திப்பதே இந்தச் சீரமைப்பின் நோக்கமாகக் கூறப்படுகிறது. ஒரே நகரம் வேண்டும் – அஸ்லம் தரப்பு! இந்த நிலையில், அதிராம்பட்டினம் திமுக நிர்வாகச் சீரமைப்பு தொடர்பாக நடைபெற்ற மேல்மட்ட நேர்காணலில் இரு தரப்பினரும் தனித்தனியாகத் தங்களது கோரிக்கை மனுக்களை அளித்துள்ளதாகத் தகவல்கள் வெளியாகியுள்ளன. அதில், அதிராம்பட்டினம் கிழக்கு, மேற்கு எனப் பிரிக்கப்பட்டுள்ள இரு நகர அமைப்புகளையும் ஒன்றிணைத்து, ஒரே நகர திமுக அமைப்பாகச் செயல்படுத்த வேண்டும் என்று அஸ்லம் தரப்பினர் வலியுறுத்தியுள்ளதாகக் கூறப்படுகிறது. இரண்டு நகரங்களாகத் தொடர்வதே சரி – இராம. குணசேகரன் தரப்பு! மறுபுறம், அதிராம்பட்டினத்தின் தற்போதைய அரசியல் சூழல், நிர்வாக வசதி மற்றும் தேர்தல் பணிகளைக் கருத்தில் கொண்டு, கிழக்கு, மேற்கு என இரண்டு நகர அமைப்புகளாகவே தொடர்வதுதான் கட்சியின் வளர்ச்சிக்குச் சிறந்தது என்று இராம. குணசேகரன் தரப்பினர் மனு அளித்துள்ளதாகத் தெரிகிறது. இவ்வாறு இரு தரப்பினரும் மாறுபட்ட கோரிக்கைகளை முன்வைத்திருப்பது அதிரை திமுகவினரிடையே விவாதத்தை ஏற்படுத்தியுள்ளது. ஒரே உறையில் இரண்டு கத்திகளா? ஒரே நகரத்தில் இரண்டு அதிகார மையங்கள் செயல்படுவதைத் தலைமை விரும்புமா? அல்லது நிர்வாக வசதிக்காக இரண்டு நகர அமைப்புகளையும் தொடர அனுமதிக்குமா? என்ற கேள்வி தற்போது எழுந்துள்ளது. கட்சியின் ஒற்றுமை, தேர்தல் வெற்றி வாய்ப்பு, நிர்வாகத் திறன் மற்றும் தொண்டர்களின் ஆதரவு ஆகியவற்றைக் கருத்தில் கொண்டே தலைமை இறுதி முடிவை எடுக்கும் என எதிர்பார்க்கப்படுகிறது. ஓட்டெடுப்பு நடந்தால் நகரச் செயலாளர் யார்? ஒருவேளை அதிராம்பட்டினம் திமுகவை ஒரே நகர அமைப்பாக மாற்றி, அதன் செயலாளரைத் தேர்தல் மூலம் தேர்ந்தெடுக்கக் கட்சித் தலைமை முடிவெடுத்தால் என்ன நடக்கும்? முன்னாள் பேரூராட்சித் தலைவர் அஸ்லமா? தற்போதைய நகராட்சி துணைத் தலைவர் இராம. குணசேகரனா? இருவரில் யாருக்குக் கட்சி நிர்வாகிகள் மற்றும் தொண்டர்களின் ஆதரவு அதிகம் இருக்கும்? அல்லது இரு தரப்பினரையும் சமரசப்படுத்தும் வகையில் தலைமை புதிய முடிவை அறிவிக்குமா? அதிரை திமுகவில் ஒற்றைத் தலைமையா? இரட்டை நிர்வாகமா? இதற்கான விடை கட்சித் தலைமையின் முடிவில்தான் உள்ளது. ஒருவேளை தேர்தல் நடைபெற்றால் நகரச் செயலாளர் பதவியை வெல்லப்போவது யார்? முடிவை வாசகர்களின் அரசியல் கணிப்புக்கே விட்டுவிடுகிறோம்!
சிறிய மழைக்கே தேங்கி நிற்கும் மழைநீர் ! பள்ளி விடுமுறையில் கூட விளையாட செல்லாத சிறார்கள் - கவனிக்குமா நகராட்சி?
அதிராம்பட்டினம் அருகே ரயில் மோதி மூதாட்டி உயிரிழப்பு! அதிராம்பட்டினம் முடுக்குக்காடு பகுதியைச் சேர்ந்த மூதாட்டி ஒருவர் ரயில் மோதி சம்பவ இடத்திலேயே உயிரிழந்தார். உடலை மீட்ட RPF காவலர்கள், ஐமுமுக அவசர ஊர்தி மூலம் உடற்கூறு ஆய்வுக்காக அதிராம்பட்டினம் அரசு மருத்துவமனைக்கு அனுப்பி வைத்தனர்.
சவூதி அரேபியாவில் வசிக்கும் தமிழர்களுக்கு தமிழக அரசு உதவி எண்கள் அறிவிப்பு சென்னை: சவூதி அரேபியாவில் நிலவும் அசாதாரண சூழ்நிலையை முன்னிட்டு, அங்கு வசித்து வரும் தமிழர்களின் நிலை குறித்து தகவல்களை அறிந்து கொள்ளவும், தேவையான உதவிகளை வழங்கவும் தமிழக அரசு சார்பில் உதவி எண்கள் அறிவிக்கப்பட்டுள்ளன. தமிழ்நாடு அரசின் அயலகத் தமிழர் நலன் மற்றும் மறுவாழ்வுத் துறை – NRI Cell சார்பில், சவூதி அரேபியாவில் வசிக்கும் தமிழர்கள் மற்றும் அவர்களது குடும்பத்தினர் தொடர்பு கொள்ளும் வகையில் 24 மணி நேர அவசர உதவி சேவை ஏற்படுத்தப்பட்டுள்ளது. 📞 உதவி எண்கள்: NRI Cell: 044-22502227 கட்டணமில்லா உதவி எண்: 8002471234 சவூதி அரேபியாவில் வசிக்கும் தமிழர்களின் தற்போதைய நிலை, பாதுகாப்பு மற்றும் அவசரத் தேவைகள் தொடர்பான தகவல்களை மேற்கண்ட எண்களில் தொடர்பு கொண்டு தெரிவிக்கலாம் என தமிழக அரசு சார்பில் தெரிவிக்கப்பட்டுள்ளது.
காணாமல் போனவர் பற்றிய போஸ்டர் பகிர்ந்தோம், அவர் தற்போது திருத்துறைப்பூண்டியில் கிடைத்து விட்டார். எமது பதிவை பகிர்ந்து உதவிய நல் உள்ளங்கள் அனைவருக்கும் அன்னாரின் குடும்பத்தினர் நன்றியை தெரிவித்து கொள்கிறார்கள். இனி இந்த போஸ்ட்டரை பகிர வேண்டாம் என்றும் கேட்டு கொள்கிறார்கள்.
🚨 காணாமல் போன 75 வயது முதியவர் – கண்டுபிடிக்க உதவுங்கள்! ராமேஸ்வரம் ரயிலில் பயணம் செய்தபோது காணாமல் போன தந்தை – பொதுமக்களின் உதவியை நாடும் மகன்! ரயில் எண் 16104 (ராமேஸ்வரம் ரயில்) மூலம் பயணம் செய்தபோது, 75 வயதான திரு. ஆராவமுதன் என்பவர் காணாமல் போயுள்ளார். அவருக்கு அல்சைமர் (ஞாபக மறதி) நோய் இருப்பதால், அவரைக் கண்டுபிடிக்க குடும்பத்தினர் தீவிரமாக முயற்சி செய்து வருகின்றனர். இவர் கடைசியாகப் புதுக்கோட்டை ரயில் நிலையத்தில் காணப்பட்டுள்ளார். அதன்பிறகு ரயிலில் மூன்று ரயில் நிலையங்கள் வரை தேடியும் அவரைக் கண்டுபிடிக்க முடியவில்லை. எனவே, அதிராம்பட்டினம், முத்துப்பேட்டை அல்லது திருத்துறைப்பூண்டி ரயில் நிலையங்களில் ஏதேனும் ஒன்றில் அவர் இறங்கியிருக்கலாம் எனச் சந்தேகிக்கப்படுகிறது. காணாமல் போனவரின் அடையாளங்கள்: - பெயர்: ஆராவமுதன் - வயது: 75 - உடை: ஊதா நிறச் சட்டை, நீல நிறக் குட்டைப் பேண்ட் - மொழி: தமிழ் - உடல்நிலை: அல்சைமர் (ஞாபக மறதி) நோயாளி - குறிப்பு: தனது வீட்டு முகவரியை நினைவில் வைத்திருக்கக்கூடும். தகவல் தெரிவிக்க வேண்டிய எண்கள்: ஹரிஹரன் (மகன்) 📞 8610250240 📞 9488832253 பொதுமக்களுக்கு அவசர வேண்டுகோள்! மேற்கண்ட அடையாளங்களைக் கொண்ட முதியவரை யாரேனும் பார்த்திருந்தால், உடனடியாகக் குடும்பத்தினருக்குத் தகவல் தெரிவிக்குமாறு கேட்டுக்கொள்ளப்படுகிறார்கள். இந்த அறிவிப்பைப் பொதுமக்கள், ரயில் பயணிகள் மற்றும் சமூக வலைதள நண்பர்கள் தங்களால் இயன்றவரை பகிர்ந்து, முதியவர் பத்திரமாகக் குடும்பத்தினருடன் சேர உதவிடுங்கள். உங்களின் இந்த ஒரு பகிர்வு கூட அவரைக் கண்டுபிடிக்க உதவலாம்!
தாராபுரம், மதுராந்தகம் தொகுதி வாக்காளர்களுக்கு நன்றி தெரிவித்த அதிரை தவெகவினர் !
மதுராந்தகம், தாராபுரம் தவெக வெற்றி முகம் அதிரையில் கொண்டாட்டம்.
அவிஸோ காப்பகத்திற்கு புதிய நிர்வாகிகள் தேர்வு! மறைந்த S.S. முஹம்மது ஷேக் அப்துல்லாஹ் அவர்களின் சேவையைத் தொடர்ந்து புதிய நிர்வாகக் குழு அமைப்பு அதிராம்பட்டினம்: தி ஆக்ஸ்போர்டு அறக்கட்டளையின் கீழ் இயங்கி வரும் அவிஸோ மனவளர்ச்சி குன்றியோர் காப்பகத்திற்கு புதிய நிர்வாகிகள் ஒருமனதாகத் தேர்வு செய்யப்பட்டுள்ளனர். அறக்கட்டளையின் சிறப்பு நிர்வாகிகள் கூட்டத்தில் உறுப்பினர்களின் ஏகோபித்த ஆதரவுடன் புதிய நிர்வாகிகள் தேர்வு செய்யப்பட்டனர். புதிய நிர்வாகிகள்: 🟢 தலைவர்: A. ஹாஜா அலாவுதீன், M.Sc. 🟢 செயலாளர்: S. ஹுமைரா பானு 🟢 துணைத் தலைவர்: Er. J. ரியாஸ் அஹமது, B.E. 🟢 பொருளாளர்: A. ரஹ்மத் 🟢 காப்பக மேலாளர்: S. முஹம்மது ஜாவித், M.Com. 🟢 அறங்காவலர்: M. அபுபக்கர், B.E. காப்பகத்தின் சேவையை மேலும் விரிவுபடுத்தும் வகையில் புதிய உறுப்பினர்களும் அறக்கட்டளையில் இணைக்கப்பட்டுள்ளனர். காப்பகத்தின் எதிர்கால நலனுக்காக பொதுமக்கள், சமூக ஆர்வலர்கள் மற்றும் கொடையாளர்கள் தொடர்ந்து ஆதரவு அளிக்க வேண்டும் என புதிய நிர்வாகம் கேட்டுக்கொண்டுள்ளது. தொடர்புக்கு: 9788194182
வேலியில் பாய்ந்த மின்சாரம் தாக்கி பெண் பரிதாப பலி - அதிராம்பட்டினம் அருகே சோகம். மகிழங்கோட்டை கீழக்காடு: மகிழங்கோட்டை கீழக்காடு பகுதியைச் சேர்ந்த பாலசுந்தரி (32) (கணவர் பெயர் ஓமையன்) என்பவர், எதிர்பாராத விதமாக மின்சாரம் தாக்கி உயிரிழந்தார். அப்பகுதியில் உள்ள வேலியில் மின்சாரம் பாய்ந்திருந்த நிலையில், எதிர்பாராத விதமாக அதனைத் தொட்டபோது மின்சாரம் தாக்கியதாகக் கூறப்படுகிறது. இதில் பாலசுந்தரி சம்பவ இடத்திலேயே பரிதாபமாக உயிரிழந்தார். உடல் அதிராம்பட்டினம் அரசு மருத்துவமனைக்கு உடற்கூறு ஆய்வுக்காக அனுப்பி வைக்கப்பட்டது. இச்சம்பவம் தொடர்பாக அதிராம்பட்டினம் காவல் ஆய்வாளர் ஜெயமோகன் தலைமையிலான காவல்துறையினர் விசாரணை மேற்கொண்டு வருகின்றனர்.
கல்வி மற்றும் சமூக சேவையில் தடம் பதித்த கல்வியாளர் ஹாஜி எஸ்.எம்.எஸ். ஷேக் ஜலாலுதீன் – நினைவேந்தல் அதிராம்பட்டினத்தின் கல்வி வளர்ச்சிக்கு பெரும் பங்காற்றியவரும், கல்வி மற்றும் சமூக சேவையில் தன்னலமற்ற பங்களிப்பை வழங்கியவருமான ஹாஜி எஸ்.எம்.எஸ். ஷேக் ஜலாலுதீன் அவர்களை நினைவுகூர்கிறோம். அவரது முன்னெடுப்பில் உருவான முக்கிய கல்வி நிறுவனங்கள்: • காதிர் முகைதீன் கல்லூரி • காதிர் முகைதீன் ஆண்கள் மேல்நிலைப் பள்ளி • காதிர் முகைதீன் பெண்கள் மேல்நிலைப் பள்ளி அதிராம்பட்டினம் கல்வியின் மூலம் தலைமுறைகளை உருவாக்க வேண்டும் என்ற உயரிய நோக்குடன் தனது வாழ்நாளை கல்வி, சேவை மற்றும் சமூக நலனுக்காக அர்ப்பணித்த அவரது பணி, இன்றும் பல தலைமுறைகளுக்கு வழிகாட்டியாகவும், ஊக்கமாகவும் திகழ்கிறது. அவரது கல்விப் பணியும், சமூக சேவையும் என்றும் நினைவுகூரப்படும். அல்லாஹ் அவர்களுக்கு ஜன்னத்துல் ஃபிர்தவுஸ் எனும் உயர்ந்த சுவனத்தை வழங்குவானாக. ஆமீன். என்றும் நினைவில்... என்றும் மரியாதையில்... <nis:link nis:type=tag nis:id=adirampattinam nis:value=adirampattinam nis:enabled=true nis:link/> <nis:link nis:type=tag nis:id=kmccollage nis:value=kmccollage nis:enabled=true nis:link/> <nis:link nis:type=tag nis:id=khadirmohaideencollage nis:value=khadirmohaideencollage nis:enabled=true nis:link/>
பயன்பாட்டில் இல்லாத ரேஷன் கார்டுகள் முடக்கம்! போலிப் பதிவுகளைத் தடுக்கும் நடவடிக்கையாக, தொடர்ந்து 6 மாதங்கள் பயன்பாட்டில் இல்லாத குடும்ப அட்டைகள் நாளை முதல் முடக்கப்படும் என மத்திய அரசு தெரிவித்துள்ளது. முடக்கப்பட்ட குடும்ப அட்டைகளை 3 மாதங்களுக்குள் e-KYC செய்து மீண்டும் செயல்பாட்டுக்கு கொண்டு வரலாம் என தெரிவிக்கப்பட்டுள்ளது.
🚨 அம்மாப்பட்டினம் அருகே சாலை விபத்து: அதிராம்பட்டினத்தை சேர்ந்த இருவர் உயிரிழந்ததாக தகவல் அம்மாப்பட்டினம் அருகே இன்று (29-09-2026) நடைபெற்ற சாலை விபத்தில், அதிராம்பட்டினத்தை சேர்ந்த இருவர் உயிரிழந்ததாக தகவல்கள் தெரிவிக்கின்றன. இருவரும் இருசக்கர வாகனத்தில் சென்றுகொண்டிருந்தபோது, எதிரே வந்த காரின் மீது மோதியதில் இந்த விபத்து ஏற்பட்டதாக கூறப்படுகிறது. விபத்தில் இருசக்கர வாகனம் முற்றிலும் சேதமடைந்துள்ள நிலையில், சம்பவ இடத்தில் பொதுமக்கள் திரண்டனர். உயிரிழப்பு மற்றும் விபத்து தொடர்பான முழுமையான விவரங்கள் அதிகாரப்பூர்வமாக உறுதி செய்யப்பட வேண்டியுள்ளது. 29-09-2026 | Adiraixpress
BREAKING NEWS ::