ചാവക്കാട്: ശക്തമായ കാറ്റും മഴയും, എടക്കഴിയൂരിൽ ഓട് വീട്  തകർന്ന് ഗൃഹനാഥന് പരിക്ക്, മറ്റു അംഗങ്ങൾ അത്ഭുതകരമായി രക്ഷപ്പെട്ടു

Chavakkad, Thrissur | Aug 29, 2025

എടക്കഴിയൂർ സിംഗപ്പൂർ പാലസിന് പടിഞ്ഞാറ്  വലിയവീട്ടിൽ ഗഫൂറിന്റെ വീടാണ് ഭാഗികമായി തകർന്നത്. ഓട് തകർന്നുവീണതോടെ ഗഫൂറിന്റെ കാലിന് സാരമായി പരിക്കേറ്റു. മറ്റ് കുടുംബാംഗങ്ങൾ ശബ്ദം കേട്ട് വീടിന് പുറത്തേക്ക് ഓടി രക്ഷപ്പെടുകയായിരുന്നു. ഓടുകളും മേൽക്കൂരയും  തകർന്നുവീണു. ടിവി, ഫാൻ, മേശ കസേര എന്നിവയും മറ്റ് വൈദ്യുതി ഉപകരണങ്ങളും നശിച്ചു.