दिग्रस: तालुक्यातील चिरकुटा येथे रेतीची चोरटी वाहतूक करणारा ट्रॅक्टर जप्त, ट्रॅक्टर पळवून नेण्याचा तस्कराचा डाव फसला

Digras, Yavatmal | Aug 31, 2025

आज रविवार दि. ३१ ऑगस्ट रोजी दुपारी १२ वाजताच्या दरम्यान महसूल विभागाच्या पथकाने चिरकुटा जवळ रेतीची चोरटी वाहतूक करणारा ट्रॅक्टर जप्त केला. दिग्रस तहसिल कार्यालयातील मंडळ अधिकारी, तलाठी चिरकुटा व तुपटाकळी परिसरात अतिवृष्टीमुळे बाधित शेतीचे पंचनामे करत असताना पथकांना ट्रॅक्टर क्र. एमएच-२९ बीसी ३९५६ व ट्रॉली क्र. एमएच-२९ बीपी ३३३२ हा विनापरवाना एक ते सव्वा ब्रास रेती नदी नाल्यातून वाहतूक करताना आढळला. पथकाने वाहन थांबविण्याचा प्रयत्न केला असता रेती तस्कराने वाद निर्माण केला होता.