ഉടുമ്പൻചോല: റോഡിന് നടുവിൽ മൃതദേഹം, ബൈസൺവാലിയിൽ ഗൃഹനാഥൻ വെട്ടേറ്റ് മരിച്ചു, ഒരാൾ കസ്റ്റഡിയിൽ

Udumbanchola, Idukki | Aug 26, 2025

ബൈസണ്‍വാലി സ്വദേശി ഓലിക്കല്‍ സുധന്‍ ആണ് കൊല്ലപ്പെട്ടത്. നാട്ടുകാരാണ് ആദ്യം സംഭവം കണ്ടത്. തുടര്‍ന്ന് ഇവര്‍ രാജാക്കാട് പോലീസില്‍ വിവരം അറിയിച്ചു. പിന്നീട് പ്രദേശവാസികള്‍ സ്ഥലത്ത് എത്തുകയും സുധനെ കുഞ്ചിത്തണ്ണി വരെയും അവിടെ നിന്ന് ആംബുലന്‍സില്‍ അടിമാലി താലൂക്ക് ആശുപത്രിയിലും എത്തിച്ചു. എങ്കിലും സുധന്റെ ജീവന്‍ രക്ഷിക്കാന്‍ ആയില്ല. കഴിഞ്ഞദിവസം സമീപവാസിയായ ഒരാളുമായി സുധന്‍ വാക്ക് തര്‍ക്കത്തില്‍ ഏര്‍പ്പെട്ടിരുന്നു. ഇയാളുടെ വീടിന് സമീപമായാണ് സുധനെ വെട്ടേറ്റ നിലയില്‍ കണ്ടെത്തിയത്. പ്രതിയെന്ന സംശയിക്കുന്ന യുവാവിനെ രാജാക്കാട് പോലീസ് കസ്റ്റഡിയില്‍ എടുത്തു.