कोरेगाव: धोम धरणाच्या डाव्या आणि उजव्या कालव्याची एकाच वेळी १३ ठिकाणी स्वच्छता मोहीम; पाणी बचाव संघर्ष समितीच्या लढ्याला यश

Koregaon, Satara | Aug 27, 2025

धोम धरण पाणीबचाव संघर्ष समितीच्या पाठपुराव्यामुळे सातारा सिंचन विभागाकडून धोम डावा आणि उजवा दोन्ही कालव्यांचे हेड टू टेल या दरम्यान तेरा ठिकाणी स्वच्छतेचे काम हाती घेण्यात आले आहे. कालवे निर्मितीपासून पहिल्यांदाच एकाचवेळी दोन्ही कालव्यांच्या स्वच्छतेचे काम हाती घेण्याची पहिलीच वेळ आहे. कालवे स्वच्छतेमुळे आवर्तन सुरू असताना कोठेही कालवा फुटीची अथवा गळतीची घटना घडणार नाही. संघर्ष समितीचे अध्यक्ष सी.आर. तथा चंद्रकांत रावसाहेब बर्गे व कार्याध्यक्ष रणजित फाळके यांनी माहिती दिली.