ഇടുക്കി: കട്ടപ്പന എലൈറ്റ് പടിക്ക് സമീപം ഉണ്ടായ വാഹനാപകടത്തിൽ പരിക്കേറ്റ് മധുരയിൽ ചികിത്സയിലായിരുന്ന യുവാവ് മരിച്ചു

Idukki, Idukki | Sep 8, 2025

വലിയതോവാള അന്നക്കുന്ന് മെട്ട് റാണിഇല്ലം വീട്ടില്‍ വിഷ്ണുവാണ് മരിച്ചത്. കഴിഞ്ഞ രണ്ടാം തീയതി രാത്രിയാണ് അപകടം നടന്നത്. കുമളിയില്‍ പെയിന്റിംഗ് ജോലി കഴിഞ്ഞ് വീട്ടിലേക്ക് മടങ്ങുന്നതിനിടെ എതിരെ വന്ന ആള്‍ട്ടോ കാറുമായി ബൈക്ക് കൂട്ടിയിടിക്കുകയായിരുന്നു. ബൈക്കിന് പിന്നില്‍ യാത്ര ചെയ്തിരുന്ന വലിയതോവാള സ്വദേശി നിസാര പരിക്കുകളോടെ രക്ഷപ്പെട്ടു. ഗുരുതരമായി പരിക്കേറ്റ വിഷ്ണുവിനെ കട്ടപ്പനയിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും വിദഗ്ധ ചികിത്സയ്ക്കായി മധുര മെഡിക്കല്‍ കോളേജിലേക്ക് മാറ്റിയിരുന്നു. വെന്റിലേറ്റര്‍ സഹായത്തോടെയാണ് ജീവന്‍ നിലനിര്‍ത്തിയിരുന്നത്.