കണ്ണൂർ: 'ഒരു സി.പി.എം നേതാവും പുറത്തിറങ്ങില്ല', ഷാഫി പറമ്പിലിനെ തടഞ്ഞതിനെതിരെ നഗരത്തിൽ യൂത്ത് കോൺഗ്രസ്‌ പ്രതിഷേധം

Kannur, Kannur | Aug 27, 2025

വടകരയിൽ ഒരു പരിപാടിയിൽ പങ്കെടുക്കാനെത്തി യ KPCC വർക്കിങ് പ്രസിഡൻ്റും MP യുമായ ഷാഫി പറമ്പിലിനെ ഡി വൈ എഫ് ഐ തടഞ്ഞതിലും, അസഭ്യം പറഞ്ഞതിലും പ്രതിഷേധിച്ച് കണ്ണൂരിൽ യൂത്ത് കോൺഗ്രസ്‌ പ്രതിഷേധ പ്രകടനം നടത്തി. പ്രതിഷേധതിനൊടുവിൽ പ്രവത്തകർ കാൽടെക് സിൽ ദേശീയ പാത ഉപരോധിച്ചു. കോൺഗ്രസ്‌ നേതാക്കളെ വഴിയിൽ തടയാൻ തുനിഞ്ഞാൽ ഒരു സി പി എം നേതാവും പുറത്തിറങ്ങില്ല എന്ന് സമരം ഉദ്ഘാടനം ചെയ്തുകൊണ്ട് യൂത്ത് കോൺഗ്രസ്‌ ജില്ലാ പ്രസിഡന്റ് വിജിൽ മോഹനൻ പറഞ്ഞു. ബുധനാഴ്ച്ച വൈകിട്ട് 6.30 ഓടെ നടന്ന പ്രതിഷേധ പരിപാടിയിൽ ജില്ലാ വൈസ് പ്രസിഡന്റ്റുമാരായ ഫർസിൻ മജീദ്, അശ്വിൻ സുധാകർ പങ്കെടുത്തു.