ಸೂಪಾ: ಕಾಳಿ ನದಿಯಲ್ಲಿನ ಸೂಪಾ ಅಣೆಕಟ್ಟಿನ ಪ್ರವಾಹದ 3ನೇ ಹಾಗೂ ಅಂತಿಮ ಮುನ್ನೆಚ್ಚರಿಕೆಯ ನೋಟಿಸ್ ನೀಡಿದ ಗಣೇಶಗುಡಿಯ ಕೆಪಿಸಿ

Supa, Uttara Kannada | Aug 30, 2025

ಜೋಯಿಡಾ : ಕಾಳಿ ನದಿ ಯೋಜನೆ 1ನೇ ಹಂತ ಸೂಪಾ ಆಣೆಕಟ್ಟಿನ ಜಲಾನಯನ ಪ್ರದೇಶದಲ್ಲಿ ಸತತವಾಗಿ ಮಳೆ ಬೀಳುತ್ತಿದ್ದು, ಜಲಾಶಯಕ್ಕೆ ಹೇರಳವಾಗಿ ನೀರು ಹರಿದು ಬರುತ್ತಿರುವುದರಿಂದ ಸೂಪಾ ಆಣೆಕಟ್ಟಿನ ಜಲಾಶಯದ ನೀರಿನ ಮಟ್ಟವು ಸತತವಾಗಿ ಏರುತ್ತಿದೆ. ಸೂಪಾ ಜಲಾಶಯದ ಗರಿಷ್ಠ ಮಟ್ಟವು 564.00 ಮೀಟರ ಆಗಿದ್ದು. ಸೂಪಾ ಜಲಾಶಯದ ನೀರಿನ ಸಂಗ್ರಹಣ ಸಾಮರ್ಥ್ಯವು 147.55 ಟಿ.ಎಂ.ಸಿ ಆಗಿರುತ್ತದೆ. ಜಲಾಶಯದ ಇಂದಿನ ನೀರಿನ ಮಟ್ಟವು 558.87. ಇದು ಜಲಾಶಯದ ಒಟ್ಟು ಸಾಮರ್ಥ್ಯದ 85.63% ಆಗಿರುತ್ತದೆ. ಈ ನಿಟ್ಟಿನಲ್ಲಿ ನದಿ ಪಾತ್ರದ ಜನರಿಗೆ ಕಾಳಿ ನದಿಯಲ್ಲಿನ ಸೂಪಾ ಅಣೆಕಟ್ಟಿನ ಪ್ರವಾಹದ 3ನೇ ಹಾಗೂ ಅಂತಿಮ ಮುನ್ನೆಚ್ಚರಿಕಾ ನೋಟಿಸನ್ನು ಗಣೇಶಗುಡಿಯ ಕೆಪಿಸಿ ಕಾರ್ಯಾಲಯವು ನೀಡಿದ್ದಾರೆ.