फलटण: फलटण नगरपालिका प्रभाग रचनेवर दाखल ९७ हरकतींवर प्रांताधिकारी कार्यालयात सुनावणी पूर्ण;जिल्हाधिकाऱ्यांकडे अहवाल सादर होणार

Phaltan, Satara | Sep 3, 2025

फलटण कोरेगाव विधानसभा मतदारसंघातील एकमेव नगरपालिका क्षेत्र असलेल्या फलटण नगरपालिकेच्या प्रभाग रचनेवर एकूण ९७ हरकती दाखल झाल्या होत्या. प्रशासकीय पातळीवर या हरकती दाखल करून घेण्यात आल्या असून त्याची सुनावणी प्रांताधिकारी प्रियांका आंबेकर यांनी बुधवारी सकाळी अकरा वाजता घेतली. राज्य निवडणूक आयोगाच्या आदेशानुसार फलटण नगरपालिकेची प्रभाग रचना प्रशासक तथा मुख्याधिकारी निखिल मोरे यांनी जाहीर केली होती. त्यावर हरकत घेण्यासाठी दि. १८ ते ३१ ऑगस्ट २०२५ दुपारी तीन वाजेपर्यंत मुदत देण्यात आली होती.