കൊച്ചി: ശ്രീനഗർ സ്വദേശിയെ മർദ്ദിച്ച് മൊബൈൽ ഫോണും പണവും കവർന്നു, മൂന്നു പേർ മട്ടാഞ്ചേരി പോലീസിന്റെ പിടിയിൽ

Kochi, Ernakulam | Aug 27, 2025

മട്ടാഞ്ചേരിയിൽ ശ്രീനഗർ സ്വദേശിയെ മർദിച്ച് ഫോണും, പണവും കവർന്ന കേസിൽ മൂന്ന് പേരെ മട്ടാഞ്ചേരി പോലീസ് ഇന്ന് അറസ്റ്റ് ചെയ്തു. ഓട്ടോയിൽ രാത്രിയിൽ സഞ്ചരിച്ച് മോഷണം നടത്തുന്ന സംഘത്തിലെ അംഗങ്ങളായ ജെൻസൻ, ഹനീസ്, ഗഫൂർ എന്നിവരെയാണ് മട്ടാഞ്ചേരി പോലീസ് അറസ്റ്റ് ചെയ്തത്. ഈ മാസം 18 ആം തിയതിയാണ് മോഷണം നടന്നത്. സിസിടിവി ദൃശ്യങ്ങൾ ഉൾപ്പെടെ പരിശോധിച്ചാണ് പ്രതികളെ പോലീസ് കണ്ടെത്തിയത്. കോടതിയിൽ ഹാജരാക്കിയ പ്രതികളെ റിമാൻറ് ചെയ്തതായി സിഐ വൈകിട്ട് 5 മണിക്ക് സ്റ്റേഷനിൽ പറഞ്ഞു