परिसरातील तांदुळवाडी येथे ४ डिसेंबरच्या रात्री घरफोडीची घटना घडली असून, चोरट्यांनी एका घरातून तब्बल ६.१३ लाखांचा मुद्देमाल चोरून नेल्याचे उघड झाले आहे. अंकुश शालीग्राम आकाळ यांच्या घरी त्या रात्री कुलूप व कडी तोडून चोरट्यांनी प्रवेश केला. घरातील मंडळी भोरसा भोरसी येथे चालू असलेल्या कुंकवाच्या कार्यक्रमाला गेली असल्याने घर पूर्णपणे रिकामे होते. आकाळ कुटुंब ( 5 डिसेंबर )घरी परतले असता बेडरूम आणि इतर खोलीतील सर्व सामान अस्ताव्यस्त पडलेले दिसले. घराची तपासणी केली असता घरातून तब्बल सव्वा सहा लाखाची चोरी झाल्याची तक्रार 11 डिसेंबर रोजी साखरखेर्डा पोलीस स्टेशन येथे देण्यात आली