ಹಾವೇರಿ: ಈದ್ ಮಿಲಾದ್ ಹಬ್ಬದ ಸಡಗರ ಸಂಭ್ರಮ; ನಗರದಲ್ಲಿ ಗಮನಸೆಳೆದ ಮೆಕ್ಕಾ ಮದೀನಾ ಸ್ತಬ್ಧಚಿತ್ರಗಳ ಮೆರವಣಿಗೆ

Haveri, Haveri | Sep 5, 2025

ಪ್ರವಾದಿ ಮೊಹಮ್ಮದ್ ಪೈಗಂಬರ್ ಜನ್ಮದಿನದ ನಿಮಿತ್ತ ನಗರ ಸೇರಿದಂತೆ ಜಿಲ್ಲಾದ್ಯಂತ ಸಮಸ್ತ ಮುಸಲ್ಮಾನ್ ಬಾಂಧವರು ಈದ್‌ ಮಿಲಾದ್ ಹಬ್ಬವನ್ನು ಅತ್ಯಂತ ಸಡಗರ ಸಂಭ್ರಮದಿಂದ ಹಾಗೂ ಶ್ರದ್ಧಾಭಕ್ತಿಯಿಂದ ಶುಕ್ರವಾರ ಎಲ್ಲೆಡೆ ಆಚರಿಸಿದರು. ತಿಂಗಳವಿಡೀ ವಿಶೇಷ ಪ್ರಾರ್ಥನೆಯೊಂದಿಗೆ ಈದ್ ಆಚರಿಸುವ ಸಮುದಾಯದವರು, ಮೊಹಮ್ಮದ್ ಪೈಗಂಬ‌ರ್ ಅವರ ಹುಟ್ಟಿದ ದಿನವಾದ ಶುಕ್ರವಾರ ಮುಸಲ್ಮಾನ ಬಾಂಧವರು ಹೊಸ ಬಟ್ಟೆ ತೊಟ್ಟು ಈದ್ ಮಿಲಾದ್ ಆಚರಿಸಿ ಸಂಭ್ರಮಿಸಿದರು. ಸುಭಾಸ್ ಸರ್ಕಲ್, ಮುಲ್ಲಾನಕರಿ, ಮೆಹಬೂಬ ಸೋಬಾನಿ ದರ್ಗಾ, ದಾವಲ್ ಮಲಿಕ್ ದರ್ಗಾ, ಬೊರೆಶಾವಲ್ಲಿ ದರ್ಗಾ, ಸೂಲಮಟ್ಟ ಸೇರಿದಂತೆ ಸ್ಮಶಾನದರ್ಗಾಗಳಲ್ಲಿ ಹಾಗೂ ಮಸೀದಿ ಮೋಹಲ್ಲಾಗಳಲ್ಲಿ ಸಾಮೂಹಿಕ ಪ್ರಾರ್ಥನೆ ಸಲ್ಲಿಸಿದರು.