കോഴിക്കോട്: തട്ടിപ്പിന് എന്തെല്ലാം വഴികൾ, വീട് പണയത്തിന് നൽകി ലക്ഷങ്ങൾ തട്ടിയ സ്ത്രീ ഉൾപ്പെടെ രണ്ടു പേർ നഗരത്തിൽ പിടിയിൽ

Kozhikode, Kozhikode | Aug 24, 2025

കോഴിക്കോട്: ജില്ലയിലെ വിവിധ സ്ഥലങ്ങൾ കേന്ദ്രീകരിച്ച് വീട് വാടകയ്ക്ക് എടുത്ത് ഉടമയറിയാതെ മറ്റുള്ളവർക്ക് പണയത്തിന് നൽകി പണം തട്ടിയ കേസിലെ പ്രതികളായ അശോകപുരം സ്വദേശി കോകിലം വീട്ടിൽ മെർലിൻ ഡേവിസ് (59), വളയനാട് മാങ്കാവ് സ്വദേശി അൽ ഹന്ദ് വീട്ടിൽ നിസാർ (38) എന്നിവരെയാണ് അറസ്റ്റ് ചെയ്ത് കോടതി റിമാൻഡ് ചെയ്തതെന്ന് നടക്കാവ് പോലീസ് വ്യക്തമാക്കി. മെർലിനെ പാലക്കാട് നിന്നും നിസാറിനെ നടക്കാവ് നിന്നുമാണ് അറസ്റ്റ് ചെയ്തതെന്ന് പോലീസ് ഇന്ന് രാത്രി എട്ടിന് പറഞ്ഞു.