गंगाखेड: सायळा सुनेगाव येथील नवजात बाळाच्या मृत्यू प्रकरणी गंगाखेड पोलिसांनी मातेसह एकास घेतले ताब्यात

Gangakhed, Parbhani | Sep 11, 2025

गंगाखेड तालुक्यातील सायळा सुनेगाव येथील मुख्य चौकात असलेल्या नालीत स्त्री जातीचे नवजात अर्भक आढळून आल्याची घटना ४ सप्टेंबर रोजी उघडकीस आली होती. घटनेची माहिती मिळताच गंगाखेड पोलिसांनी घटनास्थळी धाव घेत पंचनामा केला. याप्रकरणी पोलीस पाटील गोविंद सूर्यवंशी यांनी दिलेल्या फिर्यादीवरून गंगाखेड पोलीसात अज्ञाता विरोधात ४ सप्टेंबर रोजी गुन्हा दाखल करण्यात आला होता.या प्रकरणाचा गंगाखेड पोलिसांनी तांत्रिक तपास करून मातेसह एका व्यक्तीस बुधवार 10 सप्टेंबर रोजी ताब्यात घेतले आहे.