Thiruvananthapuram, Thiruvananthapuram | Aug 29, 2025
അന്താരാഷ്ട്ര ആയുര്വേദ ഗവേഷണ കേന്ദ്രം തലമുറകള്ക്ക് നല്കുന്ന സംഭാവനയാണെന്ന് ആരോഗ്യ വകുപ്പ് മന്ത്രി വീണാ ജോര്ജ്. നമ്മുടെ ആയുര്വേദം ലോകത്തിന്റെ മുന്നില് സവിശേഷമായി അടയാളപ്പെടുത്തിയെങ്കിലും ഗവേഷണത്തിന്റെ കാര്യത്തില് അടയാളപ്പെടുത്താന് കഴിഞ്ഞിട്ടില്ല. ഇത് മുന്നില് കണ്ടാണ് 400 കോടി അനുവദിച്ച് കണ്ണൂരില് അന്താരാഷ്ട്ര ആയുര്വേദ ഗവേഷണ കേന്ദ്രം ആരംഭിക്കുന്നത്. ഇതിന്റെ ആദ്യഘട്ട നിര്മ്മാണ പ്രവര്ത്തനങ്ങള് അന്തിമ ഘട്ടത്തിലാണ്.