പട്ടാമ്പി: മേലേ പട്ടാമ്പിയിൽ സ്വകാര്യ ബസ് കാറിൽ ഇടിച്ച് അപകടം

Pattambi, Palakkad | Jun 8, 2025

പട്ടാമ്പി നഗരത്തിൽ വാഹനാപകടം. മേലേ പട്ടാമ്പിയിൽ സ്വകാര്യ ബസ് കാറിൽ ഇടിച്ചാണ് അപകടം ഉണ്ടായത്. ഇന്ന് രാവിലെയാണ് സംഭവം. ഒരേ ദിശയിൽ സഞ്ചരിക്കുകയായിരുന്നു ബസ്സും കാറും. മേലെ പട്ടാമ്പി ബസ്റ്റോപ്പിൽ നിർത്തിയ ബസ്സിന് മുന്നിലൂടെ ഇന്നോവ കാർ അശ്രദ്ധമായി ഇടത്തോട്ട് തിരിക്കുകയും ഈ സമയം മുന്നോട്ട് എടുത്ത ബസ് കാറിൽ ഇടിക്കുകയുമായിരുന്നു. കാറിന്റെ പുറകിലെ വാതിലിൻ്റെ ഭാഗത്തായാണ് ബസിടിച്ചത്. അപകടത്തിൽ ആളപായമില്ല. പട്ടാമ്പി പോലീസ് സ്ഥലത്തെത്തി മേൽ നടപടികൾ സ്വീകരിച്ചു.