રાજકોટ પૂર્વ: ગુજરાત મેડિકલ સર્વિસીસ કોર્પોરેશન લિમિટેડના ગોડાઉનમાં બેદરકારી,સરકારી દવાનો કરોડો રૂપિયાનો જથ્થો વરસાદમાં પલળ્યો

Rajkot East, Rajkot | Sep 10, 2025

એક તરફ રાજ્યભરની સિવિલ હોસ્પિટલોમાં દવાઓની અછતને કારણે દર્દીઓ પરેશાન થઈ રહ્યા છે, ત્યારે બીજી તરફ રાજકોટમાં ગુજરાત મેડિકલ સર્વિસીસ કોર્પોરેશન લિમિટેડ ના ગોડાઉનમાં કરોડો રૂપિયાનો દવાનો જથ્થો વરસાદમાં પલળી રહ્યો હોવાના ચોંકાવનારા દ્રશ્યો સામે આવ્યા છે. આ ઘટનાએ સરકારી તંત્રની બેદરકારી અને ગરીબ દર્દીઓના સ્વાસ્થ્ય પ્રત્યેની ઉદાસીનતા ખુલ્લી પાડી છે.પ્રાપ્ત માહિતી અનુસાર, છેલ્લા એક અઠવાડિયાથી દવાનો જથ્થો ભરેલા ટ્રકો ગોડાઉન બહાર ખુલ્લામાં પડ્યા હતા.