सातारा: गणेशोत्सवासाठी कोकणातील चाकरमन्याच्या दिमतीला सातारा जिल्ह्यातून सुमारे २६५ बसेस धावणार

Satara, Satara | Aug 23, 2025

महाराष्ट्र राज्य मार्ग परिवहन महामंडळाच्या सातारा विभागातील ११ आगारांमधून शनिवार दि. २३ ऑगस्टपासून गणेशोत्सवासाठी कोकणातील चाकरमन्याच्या दिमतीला सुमारे २६५ बसेस धावणार आहेत. सातारा विभागातील सातारा, कराड, पाटण, वाई, महाबळेश्‍वर, पारगाव-खंडाळा, फलटण, कोरेगाव, वडूज, दहिवडी, मेढा या ११ आगारातील सुमारे २६५ बसेस कोकणासाठी देण्यात येणार असल्याची माहिती सातारा विभागाकडून शनिवारी सकाळी साडेदहा वाजता मिळाली. गणेशोत्सव सणाच्या पार्श्‍वभूमीवर सातारा विभागातून गौरी-गणपती जादा वाहतुक केली जात आहे.