ദേവികുളം: അടിസ്ഥാന സൗകര്യങ്ങൾ ഇല്ല, തദ്ദേശ തെരഞ്ഞെടുപ്പ് ബഹിഷ്കരിക്കാൻ വട്ടവട മേഖലയിലെ ആദിവാസി ഉന്നതികളിലുള്ളവർ #localissue

Devikulam, Idukki | Sep 5, 2025

വട്ടവട പഞ്ചായത്തിലെ അഞ്ച് ആദിവാസി ഉന്നതികളിലെ ആളുകളാണ് വരാന്‍ പോകുന്ന തദ്ദേശ തിരഞ്ഞെടുപ്പില്‍ വോട്ട് ബഹിഷ്‌ക്കരണത്തിനൊരുങ്ങുന്നത്. ഈ ആദിവാസി ഉന്നതികളിലേക്കുള്ള റോഡ് ഏറെ നാളുകളായി തകര്‍ന്ന് കിടക്കുകയാണ്. ഇത് വലിയ യാത്രാ ക്ലേശമുയര്‍ത്തുന്ന സ്ഥിതിയുണ്ട്. ചികിത്സക്കടക്കം വേണ്ടുന്ന മറ്റടിസ്ഥാന സൗകര്യങ്ങളും ഉന്നതികളില്‍ അന്യമാണ്. നാളിതുവരെ മാറി മാറി വരുന്ന ഭരണ നേതൃത്വങ്ങള്‍ ഇക്കാര്യങ്ങളില്‍ ഫലപ്രദമായ ഇടപെടല്‍ നടത്താന്‍ തയ്യാറാകാത്തതില്‍ പ്രതിഷേധിച്ചാണ് തങ്ങള്‍ വോട്ട് ബഹിഷ്‌ക്കരണത്തിനൊരുങ്ങുന്നതെന്ന് ഉന്നതികളിലെ ആളുകള്‍ വ്യക്തമാക്കി.