మాచారెడ్డి: అధిక వర్షాలతో దెబ్బతిన్న పాల్వంచమ్మర్రి – జంగమ్మర్రి రోడ్ పనులు పునరుద్ధరణ.. పరిశీలించిన ఈఈ పంచాయతీరాజ్ మోహన్

Machareddy, Kamareddy | Sep 10, 2025

పాల్వంచమ్మర్రి నుండి జంగమ్మర్రి వరకు ఉన్న ఆర్ అండ్ బి రహదారి ఇటీవల కురిసిన అతి భారీ వర్షాల కారణంగా దెబ్బతింది. ముఖ్యంగా రోడ్డుకి ఇరువైపులా ఉన్న మోరమ్ కొట్టుకుపోవడంతో రహదారి బలహీనమైంది. వాహన రాకపోకలకు తీవ్ర ఇబ్బందులు తలెత్తాయి. ఈ పరిస్థితిని గమనించిన జిల్లా కలెక్టర్, ఎస్‌డిఆర్‌ఎఫ్/ఎన్‌డిఆర్‌ఎఫ్ నిధుల నుంచి రూ.10 లక్షలు మంజూరు చేశారు. ఈ నిధులతో రహదారి మరమ్మతు పనులు వేగంగా కొనసాగుతున్నాయి. రాబోయే రోజుల్లో రహదారిని పూర్తిగా పునరుద్ధరించి రాకపోకలకు అనుకూలంగా మార్చే చర్యలు అధికారులు చేపట్టారు బుధవారం ఈ పనులను ఈఈ పంచాయతీరాజ్ మోహన్ క్షేత్రస్థాయిలో పరిశీలించారు.