સોનગઢ: ધામોડીના મંદિર ફળિયામાં રસ્તાની બિસ્માર હાલતથી ગ્રામજનો પરેશાન.

Songadh, Tapi | Sep 10, 2025

સોનગઢ તાલુકાના ધામોડી ગામમાં મંદિર ફળિયા તરફ જતો રસ્તો અત્યંત બિસ્માર હાલતમાં છે. બુધવારે 4 કલાકે મળતી વિગત મુજબ છેલ્લા ઘણા સમયથી આ રસ્તા પર મોટા ખાડા પડી ગયા છે અને વરસાદના કારણે તેમાં એક ફૂટ જેટલું પાણી ભરાયેલું રહે છે. આ ખાડાઓ અને પાણીના કારણે વાહનચાલકો અને રાહદારીઓને ભારે મુશ્કેલીનો સામનો કરવો પડી રહ્યો છે. સ્થાનિક રહીશોએ અનેકવાર રજૂઆત કરી હોવા છતાં તંત્ર દ્વારા આ સમસ્યાનું નિરાકરણ લાવવામાં આવ્યું નથી.