भंडारा: पुतण्यासमोरच झाला काकाचा मृत्यू ! ट्रकला ओव्हरटेक करणे भोवले; एक ठार, दोघे गंभीर : बोरगाव येथील घटना

Bhandara, Bhandara | Sep 3, 2025

समोर असलेल्या ट्रकला ओव्हरटेक करणे दुचाकी चालकाला भोवले. यात विरुद्ध दिशेने येणाऱ्या ट्रकला दुचाकी धडकल्याने चालकाचा जागीच मृत्यू झाला. तर त्याच्या मागे बसलेले दोघेही गंभीर जखमी झाले. ही घटना 2 सप्टेंबर रोजी सकाळी ८ वाजताच्या सुमारास पवनी मार्गावरील बोरगाव येथे घडली. कुंभराज शामराव शेंद्रे (६५, रा. गोलेवाडी ता. पवनी) असे मृताचे नाव आहे. गंभीर जखमींमध्ये हेमंत शेंद्रे व सरोज शेंद्रे यांचा समावेश आहे. विशेष म्हणजे पुतण्याच्या डोळ्यादेखत काकाचा दुर्देवी मृत्यू झाला.